Ads by Exprox

ޚަބަރު

ރޭގަ ހެންވޭރުގައި ހިންގި ސިނގިރޭޓު އޮޕަރޭޝަނުގައި 103 ކަރުދާސް ފޮށިގަނޑު ހޯދާފައިވޭ

ރޭގަ ހެންވޭރުގައި ހިންގި ސިނގިރޭޓު އޮޕަރޭޝަނުގައި 103  ކަރުދާސް ފޮށިގަނޑު ހޯދާފައިވޭ

ޕޮލިސް ސިނގިރޭޓު އޮޕަރޭޝަން ފޮޓޯ:ވޮއިސް

އާމިނަތު ޔުމްނާ

އާމިނަތު ޔުމްނާ

31 ޖެނުއަރީ 2025، 03:10

31 ޖެނުއަރީ 2025، 03:10

މާލޭގެ ހެންވޭރު ސަރަޙައްދުގައި ހުރި ޕްރައިވެޓް އޮފީހެއްގައި ސިނގިރޭޓު އުފައްދާކަމުގެ މަޢުލޫމާތު ލިބުމާ ގުޅިގެން ރޭގައި ފުލުހުން ހިންގި އޮޕަރޭޝަނެއްގައި ޖުމްލަ 103 ކާޓަން ފޮށިގަނޑު އަތުލައިގަނެފިއެވެ. މީގެ ތެރޭގައި ދުންފަތް ހުރި ފޮށި ވެސް ހިމެނެއެވެ.

ފުލުހުން މަޢުލޫމާތު ދީފައިވާ ގޮތުގައި، މި އޮޕަރޭޝަން ކުރިއަށް ގެންގޮސްފައިވަނީ ކޯޓު އަމުރެއްގެ ދަށުންނެވެ. އަދި މި އޮޕަރޭޝަން ހިންގާފައިވަނީ ހެންވޭރުގެ ގެއެއްގައި ހިންގާ ޕްރައިވެޓް އޮފީހެއްގެ ތެރޭގައި ސިނގިރޭޓު އުފައްދާކަމަށް ލިބުނު މަޢުލޫމާތަކާ ގުޅިގެންނެވެ.

ރާއްޖޭގައި ދުންފަތް އުފެއްދުމަކީ ޤާނޫނީ ކުށެއްކަން ފާހަގަކޮށްލެވެއެވެ. އަދި ދުންފަތް އުފެއްދުމުގެ އެއްވެސް ބާވަތެއް އެތެރެކުރިޔަ ނުދިނުމަށް ހެލްތު މިނިސްޓްރީން ކަސްޓަމްސްއަށް ވެސް އަންގާފައިވާކަން ފާހަގަކުރެވެއެވެ.

މީގެ އިތުރުން، ރާއްޖޭގައި ވޭޕް އެތެރެކުރުމާއި ބޭނުންކުރުން މަނާކޮށް، ދުންފަތް ކޮންޓްރޯލްކުރުމާ ބެހޭ ޤާނޫނަށް ގެނައި އިސްލާހާއެކު ބިޑި އަދި ސުއްޓާ ފަދަ ދުންފަތުގެ ބާވަތްތައް އަމިއްލައަށް އުފައްދަން ބޭނުންކުރާ އެއްވެސް އެއްޗެއް ރާއްޖެ އެތެރެކުރުން މަނާކޮށްފައިވެއެވެ.


                    

މި ލިޔުން ކިޔާލުމުން

Ads by MSS