މާލޭގައި ބިދޭސީއެއްގެ އަތުން ފައިސާ ފޭރިގަތް މައްސަލައިގައި ދެ މީހަކު ހައްޔަރުކޮށްފި

ރޭ ދަންވަރު މާލޭގެ ގުލާބީ ގޯޅީގައި ހިނގި ފޭރުމުގެ ހާދިސާއެއްގައި ބިދޭސީއެއްގެ އަތުން 33،500 ރުފިޔާ ފޭރިގަތް މައްސަލައާ ގުޅިގެން ދެ މީހަކު ފުލުހުން ވަނީ ހައްޔަރުކޮށްފައެވެ.

ފުލުހުން މަޢުލޫމާތު ދެއްވާފައިވާ ގޮތުގައި މި މައްސަލަ ފުލުހުންނަށް ރިޕޯޓްކުރެވުނީ ރޭ 2:12 ހާއިރުއެވެ. އަދި ފޭރިގަތް ފައިސާގެ އަދަދަކީ 33،500 ރުފިޔާ ކަމަށް ބިދޭސީ މީހާ ފުލުހުންނަށް މަޢުލޫމާތު ދީފައިވާ ކަމަށްވެސް ފުލުހުން ވިދާޅުވިއެވެ.

މި މައްސަލައާ ގުޅިގެން ހައްޔަރުކުރެވުނު ދެ މީހުންނަކީ  ހ. ރެދަން، ފަވާޒް ކަޅު ތުއްތު (36 އަހަރު)
ތ. ތިމަރަފުށި، ލަކީ ހައުސް، ސޮފްވާން އަލީ އެވެ.

ފުލުހުން ވިދާޅުވީ މި މައްސަލައިގެ ތަޙްޤީޤު މިހާރު ކުރިއަށްދާ ކަމަށެވެ.