ޚަބަރު
ޓުއަރިޒަމް މިނިސްޓްރީގައި ތިއްބެވި ދެ ސްޓޭޓް މިނިސްޓަރަކު އެހެން މިނިސްޓްރީތަކަށް ބަދަލުކޮށްފި

ޓުއަރިޒަމް މިނިސްޓްރީން ބަދަލުކޮށްފައިވާ ދެ ސްޓޭޓް މިނިސްޓަރުން
ހުލާސާ
ނާޒިމް ބަދަލުކޮށްފައިވަނީ ދިވެހި ބަހާއި ހެރިޓޭޖާ ބެހޭ މިނިސްޓްރީއަށް، އަދި މުންއިމް ބަދަލުކޮށްފައިވަނީ އެޑިއުކޭޝަން މިނިސްޓްރީއަށް.
ޓުއަރިޒަމް މިނިސްޓްރީގައި ތިއްބެވި ދެ ސްޓޭޓް މިނިސްޓަރަކު އެހެން މިނިސްޓްރީތަކަށް ބަދަލުކޮށްފިއެވެ. މި ބަދަލު ގެންނަވާފައިމިވަނީ، ޓުއަރިޒަމް މިނިސްޓަރަކަށް ހުންނެވި އިބްރާޙިމް ފައިސަލް މިދިޔަ ހަފްތާގެ ތެރޭގައި މަޤާމުން ވަކިކޮށްފައި ވަނިކޮށެވެ.
މަޢުލޫމާތު ލިބިފައިވާ ގޮތުގައި ޓުއަރިޒަމް މިނިސްޓްރީން ބަދަލުކޮށްފައިވަނީ ސްޓޭޓް މިނިސްޓަރު އަހުމަދު ނާޒިމް މުޙައްމަދާއި ސްޓޭޓް މިނިސްޓަރު މުންއިމް އަނީސްއެވެ.
އެގޮތުން ނާޒިމް ބަދަލުކޮށްފައިވަނީ ދިވެހި ބަހާއި ހެރިޓޭޖާ ބެހޭ މިނިސްޓްރީގެ ސްޓޭޓް މިނިސްޓަރަކަށެވެ. އަދި މުންއިމް ބަދަލުކޮށްފައިވަނީ އެޑިއުކޭޝަން މިނިސްޓްރީގެ ސްޓޭޓް މިނިސްޓަރަކަށެވެ.
މި ދެ ބޭފުޅުން ޓުއަރިޒަމް މިނިސްޓްރީއިން ބަދަލުކުރި ސަބަބެއް ރަސްމީ ފަރާތަކުން އަދި ހާމަކޮށްފައެއް ނުވެއެވެ.