ސިނަމާލެ ބްރިޖުގައި ހިނގި އެކްސިޑެންޓެއްގައި މީހަކު މަރުވެއްޖެ

ސިނަމާލެ ބްރިޖުގައި މިއަދު ހެނދުނު ހިނގި އެކްސިޑެންޓެގައި މީހަކު މަރުވެއްޖެއެވެ.

ފުލުހުން ހާމަކޮށްފައިވާ ގޮތުގައި މި ހާދިސާ ހިނގާފައިވަނީ ހެނދުނު 8:19 ހާއިރެވެ. 

ހާދިސާ ހިނގުމަށް މެދުވެރިވީ، ހުޅުމާލެއިން މާލެއަށް އަންނަ ލޭންގެ ސޯލަރ ޕެނަލްތައް ކައިރީގައި މަސައްކަތެއްކުރާކަން އަންގައިދިނުމަށް ބަހައްޓާފައި ހުރި ކޯނެއްގައި ޖެހިގެންކަމަށް ވެސް ފުލުހުން ވަނީ ހާމަކޮށްފައެވެ.

އެކްސިޑެންޓުވުމާ ގުޅިގެން ފަރުވާ ދިނުމަށްޓަކައި އެ މީހާ ގެންގޮސްފައިވަނީ އިންދިރާ ގާންދީ މެމޯރިއަލް ހޮސްޕިޓަލަށެވެ. އަދި އޭނާ މަރުވެފައިވަނީ އެ ހޮސްޕިޓަލުގައި ފަރުވާދެމުން ދަނިކޮށް 09:05 ހާއިރެވެ. 

މި އެކްސިޑެންޓުގައި މަރުވެފައިވަނީ ބަނގުލަދޭޝްއަށް ނިސްބަތްވާ ބިދޭސީއެކެވެ. 

މި މައްސަލަ އިތުރަށް ތަޙުޤީޤު ކުރަމުން އަންނަކަމަށް ވެސް ފުލުހުން ހާމަކޮށްފައިވެއެވެ.