Ads by Exprox

ޚަބަރު

ދެ މިނިސްޓްރީ އެއްކޮށްލައްވައި އުފެއްދެވި މިނިސްޓްރީގެ މެންޑޭޓު ބޮޑު ނަމަވެސް، މިނިސްޓަރުގެ ޢަޒުމް ވަރުގަދަ

ދެ މިނިސްޓްރީ އެއްކޮށްލައްވައި އުފެއްދެވި މިނިސްޓްރީގެ މެންޑޭޓު ބޮޑު ނަމަވެސް، މިނިސްޓަރުގެ ޢަޒުމް ވަރުގަދަ

މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުގެ މިނިސްޓަރަކަށް އައްޔަންކުރައްވާފައިވާ ތާރިޤް އިބްރާހީމް، ފޮޓޯ: ރައީސް އޮފީސް

މިފްތާޙް މުޙައްމަދު

މިފްތާޙް މުޙައްމަދު

02 ފެބްރުއަރީ 2025، 06:37

02 ފެބްރުއަރީ 2025، 06:37

ހޮނިހިރު ދުވަހު އަލަށް އުފެއްދެވި، މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓްގެ މެންޑޭޓުގައި، "މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ" އަދި "މިނިސްޓްރީ އޮފް ޓޫރިޒަމް" އިން ކުރިން ކުރަމުން ދިޔަ މަސައްކަތްތައް ހިމެނޭތީ، އައު މިނިސްޓްރީގެ މެންޑޭޓު ބޮޑެވެ. ނަމަވެސް މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުގެ މިނިސްޓަރަކަށް އައްޔަންކުރައްވާފައިވާ ތާރިޤް އިބްރާހީމްގެ އޮތީ، އުއްމީދީ ތަޞައްވުރެކެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މި ގެންނެވި ބަދަލާ ގުޅިގެން މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީގެ ދަށުން ހިނގަމުންދިޔަ އެންވަޔަރަންމަންޓަލް ޕްރޮޓެކްޝަން އޭޖެންސީއާއި ޔުޓިލިޓީ ރެގިއުލޭޓަރީ އޮތޯރިޓީއާއި މޯލްޑިވްސް މީޓިއޮރޮލޮޖިކަލް ސަރވިސްއާއި މާޅޮސްމަޑުލު ދެކުނުބުރީ ބަޔޮސްފިއަރ ރިޒާރވް އޮފީހުގެ ހިންގުން މިހާރު މެންޑޭޓުކޮށްފައި އޮތީ މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓަށެވެ. 

މީގެ އިތުރުން، މި ގޮތަށް ހަމަޖެއްސެވުމާ ގުޅިގެން، މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީއިން ކުރައްވަމުން ގެންދެވި، ރާއްޖޭގެ މޫސުމަށް އަންނަ ބަދަލުތަކުން ކުރާ ނޭދެވޭ އަސަރު ކުޑަކުރުމާބެހޭ ކަންކަމާއި، ރާއްޖޭގެ ތިމާވެށި ރައްކާތެރިކުރުމާބެހޭ ކަންކަމާއި، ހަކަތައާއި، ފެނާއި، ނަރުދަމާއާއި، ކުނި މެނޭޖްކުރުމާބެހޭ ކަންކަމާއި، ދިރޭތަކެތީގެ ނަސްލު ހިމާޔަތްކުރުމާބެހޭ ކަންކަމާއި މީޓިއޮރޮލޮޖީގެ ދާއިރާއާބެހޭ މަސައްކަތްތައް ވެސް ދެން ކުރަމުން ގެންދާނީ މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުންނެވެ.

މި ބަދަލާ ގުޅިގެން މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓް، ތާރިޤް އިބްރާހީމް ވިދާޅުވީ، ރާއްޖޭގެ ފަތުވެރިކަމުގެ ސިނާއަތާއި ތިމާވެށީގެ ދާއިރާގެ ކަންތައްތައް މިހާރަށް ވުރެން ރަގަޅަށް ކުރިޔަށްގެންދަވާނެކަމަށެވެ. އަދި ވަކިން ޙާއްސަކޮށް، މި ދެ ދާއިރާއިން ކުރާ މަސައްކަތްތަކަކީ ދިވެހިން ފަޚުރުވެރިވާފަދަ މަސައްކަތްތަކަށް ހައްދަވައި އަދި މިހާރަށްވުރެން ބޮޑަށް އެންމެނަށް ފައިދާވާ ދާއިރާތަކަކަށް އެ ހައްދަވާނެކަމަށް ވެސް މިނިސްޓަރު ވިދާޅުވެފައިވެއެވެ.

ކުރީގެ މިނިސްޓްރީ އޮފް އެންވަޔަރަމަންޓްގައި ހުރި ސެކްޓަރތައްވެސް އިތުރަށް ކުރިއަރުވައި މި ދެ ދާއިރާ އެއްކޮށްގެން ވަރަށް މުހިންމު ކަންތައްތަކެއް ކުރެވިގެންދާނެ. އަދި ކުރިއަށްއޮތް ތަނުގައި ފަތުރުވެރިކަމުގެ ދާއިރާއާއި ތިމާވެށީގެ ދާއިރާއަކީ ރާއްޖެ ފަޚުރުވެރިވާ ދާއިރާއަކަށް ހަދައިދިނުމުގެ އަޒުމުގައި އަޅުގަނޑު މަސައްކަތް ކުރާނެވާހަކަ ދަންނަވާލަން.

މިނިސްޓަރ ތާރިޤް ވިދާޅުވިއެވެ.

ފަތުރުވެރިކަމުގެ ސިނާއަތަކީ ރާއްޖޭގެ އެންމެ ބޮޑު ސިނާއަތެވެ. އަދި އެ ސިނާއަތް ކުރިއެރުވުމަށް ސަރުކާރުން އަންނަނީ އަބަދުވެސް ގިނަ މަސައްކަތްތަކެއް ކުރަމުންނެވެ. އެގޮތުން މިދިޔަ އަހަރު ދިވެހިރާއްޖެއަށް ވަނީ ރެކޯޑު އަދަދަކަށް ފަތުރުވެރިން ޒިޔާރަތްކޮށްފައެވެ. 

މި ސިނާއަތް އިތުރަށް ސިންދަފާތުކޮށް، ރާއްޖެ އަންނަ ފަތުރުވެރިންގެ އަދަދު މިދިޔަ އަހަރަށްވުރެން މި އަހަރު އިތުރުކުރުމަށް ސަރުކާރުން ވަނީ އަމާޒު ހިފާފައެވެ.

މި ލިޔުން ކިޔާލުމުން

Ads by MSS