ދުނިޔެ

އެމެރިކާއިން ސޯމާލިޔާއަށް ދިން ހަމަލާއެއްގައި އައިއެސްގެ މެންބަރުންތަކެއް މަރުވެއްޖެ

އެމެރިކާއިން ސޯމާލިޔާއަށް ދިން ހަމަލާއެއްގައި އައިއެސްގެ މެންބަރުންތަކެއް މަރުވެއްޖެ

ސޯމާލިއާ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

02 ފެބްރުއަރީ 2025، 11:13

02 ފެބްރުއަރީ 2025، 11:13

ސޯމާލިޔާގެ ގޯލިސް ފަރުބަދަ ސަރަޙައްދުގައި އެމެރިކާގެ ސިފައިން ހިންގި ވައިގެ ހަމަލާތަކެއްގައި އިސްލާމިކް ސްޓޭޓް (އައިއެސް) ގެ ގިނަ މެންބަރުން ތަކެއް މަރުވެއްޖެކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ. މި ހަމަލާ އަމާޒުކުރެވުނީ އައިއެސްގެ އިސް ހަމަލާ ރޭވުންތެރިއަކާއި އެހެން މެންބަރުންނަށެވެ.

ހޮނިހިރު ދުވަހު ހިންގުނު މި ހަމަލާގައި އެއްވެސް އާންމު ރައްޔިތަކަށް ގެއްލުމެއް ނުވާކަމަށް އެމެރިކާގެ ދިފާއީ ވަޒީރު ޕީޓް ހެގްސެތް ވިދާޅުވިއެވެ. އަދި މި ހަމަލާއިން އައިއެސްގެ ހަމަލާ ރޭވުމުގެ ޤާބިލުކަން ވަނީ ދަށްވެފައިކަމަށްވެސް އޭނާ ވިދާޅުވިއެވެ.

ސޯމާލިޔާގެ ރައީސް ހަސަން ޝެއިޚް މުޙައްމަދު ވަނީ މި ހަމަލާއަށް މަރުޙަބާ ކިޔުއްވާފައެވެ. އަދި ޓެރަރިޒަމާ ދެކޮޅަށް ކުރެވޭ މަސައްކަތުގައި އެމެރިކާއިން ދެއްވާ އެހީތެރިކަމަށް ޝުކުރު އަދާކުރައްވާފައިވެއެވެ.

ސޯމާލިޔާގެ ޕަންޓްލޭންޑް ސްޓޭޓްގެ އިންފޮމޭޝަން މިނިސްޓަރ މުޙައްމަދު އައިދިދް ދިރިރު ވިދާޅުވި ގޮތުގައި މި ހަމަލާ އަމާޒުކުރެވުނީ ކަލް މިސްކާދް ފަރުބަދައިގައި ހުރި އައިއެސްގެ މަރުކަޒުތަކަށެވެ. ނަމަވެސް ގެއްލުމުގެ މިންވަރު އަދި ސާފުނުވާކަމަށް އޭނާ ވިދާޅުވިއެވެ.

އެމެރިކާއިން ވަނީ އެކި ދައުރުތަކުގައި ސޯމާލިޔާގައި މިފަދަ އެއަރ ސްޓްރައިކްތައް ހިންގާފައެވެ. މިއީ އެމެރިކާއާއި އޭގެ ބައިވެރިންނަށް ނުރައްކާވާ ޓެރަރިސްޓުން ހޯދައި ނައްތާލުމަށް އެޤައުމުން ކުރާ މަސައްކަތުގެ ބައެއްކަމަށް ވަޒީރު ހެގްސެތް ވިދާޅުވިއެވެ.
                    

މި ލިޔުން ކިޔާލުމުން

Ads by MSS