ރައީސް މުޢިއްޒު ޚިޔާލުފާޅުކުރުމުގެ މިނިވަންކަން އެންމެ ފުރިހަމައަށް ދެއްވައިފި: ޝުޖާޢު

ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާޢު ވިދާޅުވެފައިވަނީ ޤާނޫނުއަސާސީން ރައްޔިތުންނަށް ދޭ ޚިޔާލުފާޅުކުރުމުގެ މިނިވަންކަން އެންމެ ފުރިހަމަގޮތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާފައިވާ ކަމަށެވެ.

ޝުޖާޢު މިހެން ވިދާޅުވެފައިވަނީ ޕީއެސްއެމް ނިއުސްގެ "ރާއްޖެ މިއަދު" ޕްރޮގްރާމުގައި ރާއްޖޭގެ ސިޔާސީ މަޝްރަހާއި ރައީސުލްޖުމްހޫރިއްޔާ ރައްޔިތުންނާ ބައްދަލުކުރެއްވުމަށް ރަށްރަށަށް ކުރައްވަމުން ގެންދަވާ ދަތުރުފުޅާ ގުޅޭ މައުލޫމާތު ހިއްސާ ކުރައްވަމުންނެވެ.

ޝުޖާޢު ވިދާޅުވީ ކުރިން އިދިކޮޅުގައި ތިއްބެވިއިރު ޕީޕީއެމް އަދި ޕީއެންސީއަށް ޚިޔާލުފާޅުކުރުމުގެ މިނިވަންކަން އޭރު އޮތް އެމްޑީޕީ ސަރުކާރުން ދެއްވާފައި ނުވާ ކަމަށެވެ. އޭރުގެ ސަރުކާރުން އެއްވުންތަކަށް ހުރަސް އެޅުމާއި ޝިއާރު ފާޅުކުރުމަށް ހުންނަ ބެނާތަކާއި އެހެނިހެން ތަކެތި ފުލުހުން މެދުވެރިކޮށް އަތުލުން ފަދަ ކަންކަން ކުރި ނަމަވެސް މިއަދު އެމަންޒަރުތައް ނުފެންނަ ކަމަށް އޭނާ ވިދާޅުވިއެވެ.

ބާރަށު ދާއިރާގެ މެންބަރު ވިދާޅުވީ ރާއްޖޭގެ ޒަމާނީ ޑިމޮކްރަސީގެ ހަގީގީ ފޮނިމީރުކަން ގެނެސްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކަމަށާއި ކުރީ ސަރުކާރުތަކުން ގެންގުޅުނު ޖަންގަލީގެ އުސޫލުތަކަށް ނިމުމެއް ގެނެސް ކޮންމެ ރައްޔިތަކަށްވެސް ޚިޔާލު ފާޅުކުރެވޭނެކަން ސާބިތުކުރައްވަމުން އެމަނިކުފާނު ގެންދަވާ ކަމަށެވެ. އެންމެ ފަހުން އެމްޑީޕީން ބޭއްވި އެއްވުމުންވެސް އެކަން ސާބިތުވެގެންގޮސްފައިވާކަމަށް އޭނާ ވިދާޅުވިއެވެ.

ޝުޖާޢު ވިދާޅުވީ ޚިޔާލުފާޅުކުރުމުގެ މިނިވަންކަން ސަރުކާރުން ދެއްވާނީ ޤާނޫނުއަސާސީގައި އޮތް އެންމެ ފުރިހަމައަށްކަމަށެވެ. ނަމަވެސް ޤައުމުގައި ހަމަނުޖެހުމާއި ބިރުވެރިކަން އުފެއްދުމުގެ ފުރުސަތު އަދުގެ ސަރުކާރުން ނުދެއްވާނެ ކަމަށް އޭނާ ވިދާޅުވިއެވެ. ޤާނޫނީ އިމުގެ ތެރެއިން ޚިޔާލުފާޅު ކުރެވޭނެ ކަމަށާއި އިދިކޮޅުގެ އަޑު އައްސަވައި ކަންކަން ބަދަލުކުރަންޖެހޭނަމަ، ބަދަލުކުރެއްވުމުގެ ހިތްވަރު ރައީސުލްޖުމްހޫރިއްޔާގެ ހުންނަވާނެ ކަމަށްވެސް ޝުޖާޢު ވިދާޅުވިއެވެ.

ޝުޖާޢު އިތުރަށް ވިދާޅުވީ އިދިކޮޅަށް ޚިޔާލު ފާޅުކުރުމުގެ މިނިވަންކަން ދެއްވައި އެ ފަރާތްތަކުގެ  އަޑު އެއްސެވުމުން އެނގިގެންދަނީ ރައީސުލްޖުމްހޫރިއްޔާއަކީ ޑިމޮކްރަސީގެ ނިޒާމަށް ލޯ ހުޅުވިފައިވާ ބޭފުޅެއްކަން ކަމަށެވެ. އެމަނިކުފާނު ބަދަލު ހިފުމުގެ ރޫހެއް ނުގެންގުޅުއްވާ ކަމަށާއި މިނިވަން މުއައްސަސާތައް މިނިވަންކަމާއެކު ހިންގުމުގެ ފުރުސަތު މިއަދު ފަހިވެފައިވާ ކަމަށްވެސް ބާރަށު ދާއިރާގެ މެންބަރު އިބްރާހިމް ޝުޖާޢު ވިދާޅުވިއެވެ.

އެބޭފުޅުންނަށް ޤާނޫނުއަސާސީން ލިއްބައިދޭ ތަރައިގެ ތެރޭގައި ޚިޔާލުފާޅުކުރުމާއި ސަރުކާރު ޖަވާބުދާރީ ކުރުވުމުގެ މަސައްކަތަށް މި ސަރުކާރުން ތާއީދު ކުރާނެ. އަދި އެ ބޭފުޅުން ދައްކާ ވާހަކަ އަޅުގަނޑުމެން އަޑުވެސް އަހާނަން. އަޑުއަހާފައި ބަދަލެއް ގެންނަންޖެހޭ ކަމަށް އަޅުގަނޑުމެންނަށް ގަބޫލުކުރެވެންޏާމުން ރައީސް ޑރ. މުޙައްމަދު މުޢިއްޒުގެ ހުންނާނެ އެ ހިތްވަރު އެ ބަދަލު ގެނައުމުގެ

ޝުޖާޢު