ސީރިއާގެ އިންތިޤާލީ ރައީސް ސަޢޫދީ ޢަރަބިއްޔާއަށް ދަތުރުފުޅެއް ކުރައްވަނީ

ސީރިއާގެ ދައުލަތުގެ ނޫސް އޭޖެންސީ ސާނާއިން ރިޕޯޓުކޮށްފައިވާ ގޮތުގައި، ސީރިއާގެ އިންތިޤާލީ ރައީސް އަޙްމަދު އަލް-ޝަރާޢަ އާދިއްތަ ދުވަހު ސަޢޫދީ ޢަރަބިއްޔާއަށް ދަތުރުފުޅެއް ކުރައްވާނެއެވެ. މިއީ އެމަނިކުފާނު ވެރިކަމާ ހަވާލުވެވަޑައިގަތް ފަހުން ކުރައްވާ ފުރަތަމަ ބޭރު ދަތުރުފުޅެވެ.

މި ދަތުރުފުޅުގައި ރައީސް އަލް-ޝަރާޢައާއެކު ޤައުމުގެ ޚާރިޖީ ވަޒީރު އަސަދު ހަސަން އަލް-ޝިބާނީ ބައިވެރިވެވަޑައިގަންނަވާނެކަމަށް ވެއެވެ. ރިޔާދުގައި ސަޢޫދީ ޢަރަބިއްޔާގެ ޓަކުރުވާރިސް މުޙައްމަދު ބިން ސަލްމާނާ ބައްދަލުކުރައްވާނެ ކަމަށްވެސް ސާނާއިން ބުނެފައިވެއެވެ.

ސީރިއާގެ ރިޔާސީ އޮފީހުން އެކްސް ގައި ޝާއިޢުކޮށްފައިވާ ފޮޓޯއެއްގައި ރައީސް އަލް-ޝަރާޢަ އާއި ޚާރިޖީ ވަޒީރު ސަޢޫދީ ޢަރަބިއްޔާއަށް ވަޑައިގަންނަވަމުންދާ މަންޒަރު ފެނިވަޑައިގަނެއެވެ. އަލް-ޝަރާޢަ ސީރިއާގެ ވަގުތީ ރައީސްކަމަށް ޢައްޔަންކުރެވުނީ، އޭނާގެ ގްރޫޕުން ބަޝާރު އަލް-އަސަދުގެ ވެރިކަން ވައްޓާލިތާ ގާތްގަނޑަކަށް ދެ މަސް ފަހުންނެވެ.

ފާއިތުވި މަހު، ސަޢޫދީ ޢަރަބިއްޔާގެ ޚާރިޖީ ވަޒީރު ފައިސަލް ބިން ފަރުހާން ދިމިޝްޤަށް ޒިޔާރަތްކުރެއްވިއެވެ. އަދި ސީރިއާގެ އިޤްތިޞާދު ހަލާކުކޮށްލި އިޤްތިޞާދީ ދަތިތައް ނައްތާލުމަށް، ޔޫރަޕާއި އެމެރިކާއާއެކު މަޝްވަރާތައް ކުރިއަށްދާކަމަށް ވިދާޅުވިއެވެ.