ޚާއްސަ ޓިކްޓޮކް ޗެލެންޖެއް: މުޅި ޗެލެންޖުން ހޮވޭ ފަރާތަކަށް 15000ރ

ދިވެހިންގެ އުފެއްދުންތެރިކަމުގެ މައުރަޒު 2025އަށް ޚާއްޞަކޮށްގެން ބިޒްނަސް ސެންޓަރ ކޯޕަރޭޝަނުން ޓިކްޓޮކް ޗެލެންޖެއް ފަށައިފިއެވެ. މި ޗެލެންޖް ކުރިއަށްދާނީ އޭޕްރިލް މަހުގެ 30 ވަނަ ދުވަހާ ހަމައަށެވެ.

މިޗެލެންޖުގައި ކޮންމެ މަހަކު އެއްވަނައަށް ހޮވޭ ފަރާތަކަށް 3،000 ރުފިޔާގެ ފައިސާގެ އިނާމެއް ދިނުމަށް ހަމަޖެހިފައިވާކަމަށާއި، ޗެލެންޖުގައި ބައިވެރިވާ ހުރިހާ ފަރާތްތަކުގެ ހުށަހެޅުންތަކަށް ބެލުމަށްފަހު އެންމެ މޮޅު ކޮންޓެންޓެއް ހުށަހަޅާ ފަރާތަކަށް ގްރޭންޑް ޕްރައިޒްގެ ގޮތުގައި 15،000 ރުފިޔާ ދިނުމަށް ހަމަޖެހިފައިވާކަމަށް ބީސީސީއިން ހާމަކޮށްފައިވެއެވެ. ހަމައެހެންމެ، މި ޗެލެންޖުގައި ބައިވެރިކުރާ ވީޑިއޯތައް ވާންޖެހޭނީ ދިވެހީންގެ އުފެއްދުންތެރިކަން ދައްކުވައިދޭ އަދި ދިވެހީންގެ އުފެއްދުންތެރިކަމުގެ މައުރަޒް 2025 އިސްތިހާރުކޮށް މައުރަޒަށް ޒިޔާރަތްކުރުމަށް ބާރުއަޅާ ވީޑިއޯއަކަށްކަމަށް ވެސް އެ ކުންފުނިން ވިދާޅުވެފައިވެއެވެ.

Bridging academia and business! Had a productive discussion with Villa College on potential collaborations for Maldives Expo 2025. Exciting opportunities ahead!#MaldivesExpo2025 #DhiveheennahIskan #DhiveheengeMauraz pic.twitter.com/J4wnrEOSvb

— Expo Maldives (@mv_expo) January 30, 2025

އިނާމް ލިބޭ ފަރާތްތައް ކަނޑައެޅުމުގައި ބަލާނީ، އުފެއްދުންތެރިކަމަށާއި، އަމިއްލަވަންތަކަމަށާއި، ކޮންޓެންޓަށާއި އެންމެ ގިނަ ލައިކް އަދި ޝެއަރ ލިބޭ ފަރާތްތަކަށްކަމަށް ބީސީސީން ވިދާޅުވެއެވެ.

އުފެއްދުންތެރިކަމުގެ މަޢުރަޒަށް ޚާއްސަ ޓިކްޓޮކް ޗެލެންޖްގައި މާކްސް ދޭނެގޮތުގެ ރުބްރިކު:

• ވީޑިއޯގެ ކޮންޓެންޓް: %30
• އެންމެ އެންގޭޖްމަންޓް ގިނަ ވީޑިއޯ (ލައިކް، ޝެއަރ އަދި ކޮމެންޓް): %30
• އުފެއްދުންތެރިކަމާއި އަމިއްލަވަންތަކަން: %40

މި މައުރަޒަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިރުޝާދުގެ ދަށުން، އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާގެ ލަފަޔާއެކު ބިޒްނަސް ސެންޓަރ ކޯޕަރޭޝަނުން ބާއްވާ ޚާއްޞަ މައުރަޒެކެވެ.

ރާއްޖޭގައި ތިބި ފަންނުވެރިން ޕްރޮމޯޓްކޮށް އެމީހުންގެ ހުނަރު ތަރައްޤީކުރުމަށް ގިނަ ކަންތައްތަކެއް މި މަޢުރަޒުގައި ކުރިއަށް ދާނެކަމަށް ބިޒްނަސް ސެންޓަރ ކޯރޕަރޭޝަނުން ވިދާޅުވެއެވެ.