Ads by Exprox

ޚަބަރު

ޣައްޒާ ހަނގުރާމަ ހުއްޓާލުމުގެ އެއްބަސްވުން ދެމެހެއްޓުމަށް ކުރަމުންދާ މަސައްކަތަށް ބައިނަލްއަޤްވާމީ މައިދާނުގައި ރާއްޖެއިން ތާޢީދުކޮށްފި

ޣައްޒާ ހަނގުރާމަ ހުއްޓާލުމުގެ އެއްބަސްވުން ދެމެހެއްޓުމަށް ކުރަމުންދާ މަސައްކަތަށް ބައިނަލްއަޤްވާމީ މައިދާނުގައި ރާއްޖެއިން ތާޢީދުކޮށްފި

ޢަރަބް ސިކްސް-ޕާޓީ ބައްދަލުވުން---

މިފްތާޙް މުޙައްމަދު

މިފްތާޙް މުޙައްމަދު

03 ފެބްރުއަރީ 2025، 09:55

03 ފެބްރުއަރީ 2025، 09:55

ހުލާސާ

ޣައްޒާ އަލުން އާރާސްތުކުރުމާބެހޭގޮތުން މަޝްވަރާކުރުމަށް ބައިނަލްއަޤްވާމީ ބައްދަލުވުމެއް ބޭއްވުމަށް ހުށަހަޅާފައިވާ ހުށަހެޅުމަށް ވެސް ދިވެހިރާއްޖޭން މަރުޙަބާ ކިޔާފައިވޭ.

ޣައްޒާ ހަނގުރާމަ ހުއްޓާލުމުގެ އެއްބަސްވުން ދެމެހެއްޓުމަށް ކުރަމުންދާ މަސައްކަތަށް، ބައިނަލްއަޤްވާމީ މައިދާނުގައި ރާއްޖެއިން ތާޢީދުކޮށްފިއެވެ. 

ރާއްޖޭގެ ވިސްނުން ހާމަކޮށްފައިވަނީ ޤާހިރާގައި ބޭއްވި "ޢަރަބް ސިކްސް-ޕާޓީ" މަޝްވަރާ ބައްދަލުވުމެއްގައެވެ. ޚާރިޖީ ވުޒާރާއިން ވިދާޅުވީ މިދިޔަ ހޮނިހިރު ދުވަހު މިޞުރުގެ ވެރިރަށް ޤާހިރާގައި ބޭއްވި "ޢަރަބް ސިކްސް-ޕާޓީ" މަޝްވަރާ ބައްދަލުވުމުގެ ނިންމުންތަކަށް ދިވެހިރާއްޖޭން މަރުހަބާ ކިޔާކަމަށެވެ. 

ޚާރިޖީ ވުޒާރާއިން ވިދާޅުވީ އިސްރާއީލުން ޣައްޒާގައި ހިންގަމުންދިޔަ ލާއިންސާނީ ހަނގުރާމަ ހުއްޓާލުމުގެ އެއްބަސްވުން ފުރިހަމައަށް ތަންފީޒުކުރުމަށް ކަމާއިގުޅުންހުރި އެންމެހާ ފަރާތްތަކަށް ރާއްޖޭން އިލްތިމާސްކޮށްފައިވާކަމަށެވެ.

މީގެ އިތުރުން، ޣައްޒާގައި ކާބޯތަކެތި ލިބުން ދަތިވެ، ހާލުގައިޖެހިފައިވާ ހުރިހާ ސަރަޙައްދަކަށް ލަސްނުކޮށް، އެއްވެސް ހުރަހަކާނުލައި އިންސާނީ އެހީތެރިކަން ފޯރުކޮށްދިނުމަށް އަޅަންޖެހޭ ފިޔަވަޅުތައް ހަލުވިކަމާއެކު އެޅުމުގެ މުހިންމުކަން ދިވެހި ސަރުކާރުންވަނީ ފާހަގަކުރައްވާފައެވެ.

އަދި ހަނގުރާމަ ހުއްޓާލުމާއި ގުޅިގެން، ޣައްޒާ އަލުން އާރާސްތުކުރުމާބެހޭގޮތުން މަޝްވަރާކުރުމަށް ބައިނަލްއަޤްވާމީ ބައްދަލުވުމެއް ބޭއްވުމަށް ހުށަހަޅާފައިވާ ހުށަހެޅުމަށް ދިވެހިރާއްޖޭން މަރުޙަބާ ކިޔާކަމަށް ވެސް ހާރިޖީ ވުޒާރާއިން ވަނީ ހާމަކޮށްފައެވެ.

ހަމައެއާއެކު، ފަލަސްޠީނުގައި ހިނގަމުންދާ ހަމަނުޖެހުމަށް ދެމެހެއްޓެނިވި ޙައްލެއް ލިބޭނީ 1967ގެ ކުރިން ކަނޑައެޅިފައި އޮތް އިންތަކުގެ މައްޗަށް ބިނާކޮށް، އިރުމަތީ ޤުދުސްއަކީ ވެރިރަށުގެ ގޮތުގައި ކަނޑައަޅައި މިނިވަން އަދި މުސްތަޤިއްލު ފަލަސްޠީނުގެ ދައުލަތެއް ޤާއިމުކުރެވިގެންކަމަށް ދިވެހި ސަރުކާރުން ޤަބޫލުކުރައްވާކަމަށް ޚާރިޖީ ވުޒާރާއިން ވިދާޅުވެފައިވެއެވެ.

މި ލިޔުން ކިޔާލުމުން

Ads by MSS