ފައިސާ ޓްރާންސްފާ ކުރިކަމަށް ބުނެ ފިހާރަޔަކަށް ފޭކު ސްލިޕެއް ފޮނުވި މީހަކު ހޯދަނީ

ފައިސާ ޓްރާންސްފާ ކުރިކަމަށް ބުނެ ފިހާރަޔަކަށް ފޭކު ސްލިޕެއް ފޮނުވި މީހަކު ހޯދުމަށް ފުލުހުން އިޢުލާންކޮށްފިއެވެ. 

އޭނާ ހޯދުމުގެ ގޮތުން ފުލުހުން އާންމުކޮށްފައިވަނީ، އޭނާ ފިހާރަ ތެރޭގައި ހަރަކާތްތެރިވާ މަންޒަރު ފެންނަ ސީސީޓީވީ ފޫޓޭޖެވެ. އެ ވީޑިއޯއިން ފެންނަނީ، ފިހާރައިގެ ހަރަކުން އެއްޗެއް ނެގުމަށްފަހު ކައުންޓަރު މަތީގައި ބަހައްޓާތަނެވެ.

މި މައްސަލައާ ގުޅިގެން ހޯދަމުންދަނީ ފިރިހެނެކެވެ.

ފުލުހުން ހާމަކޮށްފައިވާ ގޮތުގައި މިކަން ހިނގާފައިވަނީ 2024 ޑިސެންބަރު 27 ވަނަ ދުވަހުގެ ވަގުތެއްގައި ވިލިމާލޭގައި ހުންނަ ސިމިނީ މާރޓް ފިހާރައިގައެވެ. އަދި މި މީހާ ހޯދަން ބޭނުންވަނީ ވިޔަފާރިކުރުމަށްފަހު ފައިސާ ޓްރާންސްފަރކުރިކަމުގެ ސައްހަނޫން ޓްރާންސްފަރ ސްލިޕެއް ފޮނުވާފައިވާ މައްސަލައާ ގުޅިގެން ކަމަށް ވެސް ހާމަކޮށްފައިވެއެވެ.

ވީޑިއޯ: ވިޔަފާރިކުރުމަށްފަހު ސައްހަ ނޫން ޓްރާންސްފަރ ސްލިޕެއް ފޮނުވާފައިވާ މައްސަލައެއްގައި މީހަކު ހޯދަނީhttps://t.co/ENqnQGZrE7 pic.twitter.com/v0y9l3ECmM

— Maldives Police (@PoliceMv) February 3, 2025

މި މީހާއާ ގުޅޭ އެއްވެސް މަޢުލޫމާތެއް އެނގޭނަމަ ވިލިމާލެ ޕޮލިސްގެ ނަންބަރު 9833000 އަށް ގުޅުއްވައި ހިއްސާކުރެއްވުން ފުލުހުން އެދިފައިވެއެވެ.