ރިޒޯޓެއްގެ އިސް މަޤާމެއްގައި ހުރި މީހަކަށް ހަމަލާދިން މައްސަލައެއް ބަލަނީ

ލ އަތޮޅު ރިޒޯޓެއްގެ އިސް މަޤާމެއްގައި ހުރި މީހަކަށް ހަމަލާދީ، މާރާމާރި ހިންގި މައްސަލައެއް ބަލަމުން އަންނަކަމަށް ފުލުހުން ހާމަކޮށްފިއެވެ.

މަޢުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ ސިކްސް ސެންސަސް ލާމު ރިޒޯޓުގައި އިއްޔެގެ ވަގުތެއްގައެވެ. އަދި ހަމަލާ ދީފައިވަނީ އެ ރިޒޯޓުގެ ޖެނެރަލް މެނޭޖަރަށެވެ.

ފުލުހުން ހާމަކޮށްފައިވާ ގޮތުގައި، ރިޒޯޓުގެ އިސް މަޤާމެއްގައި ހުރި މީހަކަށް ހަމަލާދީފައި ވަނީ އޭނާ ބައިސްކަލެއްގައި ދަނިކޮށް، ފަހަތުން މީހަކު އައިސް އޭނާގެ ބޮލުގައި އެއްޗަކުން ޖަހައިގެން ކަމަށެވެ. 

އަދި މި މައްސަލަ ހިނގާފައި ވަނީ އާދީއްތަ ދުވަހުކަމަށް ވެސް މަޢުލޫމާތު ލިބެއެވެ.

މި މައްސަލައާ ގުޅިގެން މިހާތަނަށް މީހަކު ހައްޔަރުކޮށްފައެއް ނުވެއެވެ.