ޚަބަރު
ބޮލީވުޑުގެ ތަރިންނާއި އެއްކޮށް ރާއްޖެ އިސްތިހާރުކުރުމަށް "މޯލްޑިވިއަން ނައިޓް" ބާއްވައިފި

ބޮލީވުޑުގެ ތަރިންނާއި އެއްކޮށް ރާއްޖެ އިސްތިހާރުކުރުމަށް ބޭއްވި "މޯލްޑިވިއަން ނައިޓް" ފޮޓޯ:އެމްއެމްޕީއާރްސީ
މުމްބާއީގައި "މޯލްޑިވިއަން ނައިޓް" ގެ ނަމުގައި ބޮޑު ހަފްލާއެއް ބާއްވައި، ބޮލީވުޑުގެ 100 އަށްވުރެ ގިނަ ތަރިންނާއެކު ރާއްޖެ އިސްތިހާރުކުރުމުގެ ހަރަކާތެއް މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ކުރިއަށް ގެންގޮސްފިއެވެ.
Visit Maldives had a great time with Bollywood celebrities! We look forward to more engaging events together in future. pic.twitter.com/2ZK1JfU3P5
— Maldives Marketing & Public Relations Corporation (@mmprc_corporate) February 2, 2025
މުމްބާއީގެ ފޯ ސީޒަންސް ހޮޓެލްގައި ބޭއްވުނު މި ހަރަކާތުގައި އިންޑިއާގެ ފިލްމީ ދާއިރާގެ ނަން މަޝްހޫރު އެތައް ފަންނާނުންނެއް ބައިވެރިވިއެވެ. މި ހަރަކާތާ ގުޅޭގޮތުން އެމްއެމްޕީއާރުސީގެ މެނޭޖިންގ ޑިރެކްޓަރ އިބްރާހީމް ޝިއުރީ ވިދާޅުވީ، އިންޑިއާއަކީ ރާއްޖެއަށް އެންމެ ގިނަ ފަތުރުވެރިން އަންނަ ޤައުމުތަކުގެ ތެރޭގައި ހިމެނޭ ޤައުމަކަށްވާތީ، އެ ޤައުމުގެ މަޝްހޫރު ފަރާތްތަކާއެކު ގުޅުން ބަދަހިކުރުމަކީ މުހިންމު ކަމެއް ކަމަށެވެ.
A recap from the Grand Opening of "Maldives Magic: A Bollywood Soiree" filled with colorful moments from the evening! pic.twitter.com/soLBa5jCuJ
— Maldives Marketing & Public Relations Corporation (@mmprc_corporate) February 2, 2025
ޝިއުރީ އިތުރަށް ވިދާޅުވީ މި ހަރަކާތުގެ ތެރެއިން އިންޑިއާ މީހުންގެ މެދުގައި ރާއްޖެއަށް އޮތް މަޤްބޫލުކަން ހާމަވެގެން ދިޔަ ކަމަށާއި، ބޮލީވުޑުގެ ފަންނާނުންނަށް ރާއްޖެއިން ލިބެންހުރި ތަފާތު އެކި ބާވަތްތަކުގެ ތަޖުރިބާތަކުގެ މަޢުލޫމާތު މި ހަރަކާތުގެ ތެރެއިން ހިއްސާކުރެވުނު ކަމަށެވެ.
މުންބާއީގައި ބޭއްވި 'މޯލްޑިވިއަން ނައިޓް' އަކީ އިންޑިއާގެ މާކެޓަށް އަޅުގަނޑުމެން ދޭ އަހައްމިއްޔަތުކަމުގެ ހެއްކެއް. އަދި 2025 ވަނަ އަހަރުގެ އަޅުގަނޑުމެންގެ ކެމްޕޭންތަކުން ވަރަށް ފާހަގަކޮށްލެވޭ ނަތީޖާތަކެއް ލިބޭނެކަމާމެދު އަޅުގަނޑުމެނަށް ޔަޤީންކަން އެބަ އޮތް
ވިސިޓް މޯލްޑިވްސްގެ ސީއީއޯ އަދި އެމްޑީ އިބްރާހިމް ޝިއުރީ
އެމްއެމްޕީއާރުސީއިން ވިދާޅުވެފައިވަނީ މި ހަރަކާތުގައި ބައިވެރިވި މަޝްހޫރު ފަންނާނުންގެ ސޯޝަލް މީޑިއާ ޕްލެޓްފޯމްތަކުގައި ރާއްޖެ އިޝްތިހާރުކުރުމުގެ ހަރަކާތްތައްވެސް ކުރިއަށްދާނެ ކަމަށެވެ. އަދި މިއަހަރު ތެރޭގައި އިންޑިއާގެ މަޝްހޫރު އެތައް ފަންނާނުންނެއް ރާއްޖެއަށް ޒިޔާރަތްކުރާނެ ކަމަށްވެސް ބުނެފައިވެއެވެ.
އެމްއެމްޕީއާރުސީގެ އަމާޒަކީ މިއަހަރު ތެރޭގައި އިންޑިއާއިން ރާއްޖެއަށް 3 ލައްކަ ފަތުރުވެރިން ގެނައުމެވެ. މި އަމާޒު ހާސިލްކުރުމަށްޓަކައި މިއަހަރު ތެރޭގައި ގިނަ ހަރަކާތްތަކެއް ކުރިއަށް ގެންދިއުމަށް ވަނީ ރޭވިފައެވެ.