ހަނގުރާމަ ހުއްޓުމުގެ ދެވަނަ ފިޔަވަހީގެ މަޝްވަރާއަށް އަނިޔާވެރި ނަތަންޔާހޫ އެމެރިކާއަށް

ޢައްޒާގައި ހިނގަމުންދާ ހަނގުރާމަ ހުއްޓުމުގެ ދެވަނަ ފިޔަވަހީގެ މަޝްވަރާކުރުމަށް އިޒްރޭލުގެ ބޮޑުވަޒީރު ބެންޖަމިން ނެތަންޔާހޫ އެމެރިކާއަށް ޒިޔާރަތްކޮށްފިއެވެ. އާދީއްތަ ދުވަހު ތެލްއަވީވުން މަތިންދާބޯޓަށް އެރުމުގެ ކުރިން ނެތަންޔާހޫ ވިދާޅުވީ، އަންގާރަ ދުވަހު އެމެރިކާގެ ރައީސް ޑޮނަލްޑް ޓްރަމްޕާ ބައްދަލުކުރާއިރު، ހަމާސްގެ މައްޗަށް ކާމިޔާބު ވުމާއި، އީރާނުގެ ނުފޫޒު ހުއްޓުވުމާއި، އަދި ހަމާސްގެ ބަންދުގައިވާ އެންމެހާ މީހުން ދޫކޮށްލުމާ ގުޅޭގޮތުން މަޝްވަރާކުރާނެ ކަމަށެވެ.

މިއީ ޓްރަމްޕް ވައިޓް ހައުސްއަށް އެނބުރި ވަޑައިގަތުމަށްފަހު ބޭރުގެ ލީޑަރަކާ ބައްދަލުކުރައްވާ ފުރަތަމަ ފަހަރެވެ. މިކަން އިސްކަންދެއްވާފައިވާކަމީ އިޒްރޭލާއި އެމެރިކާގެ ގުޅުމުގެ ވަރުގަދަކަން ދައްކުވައިދޭ ކަމެއް ކަމަށް ނެތަންޔާހޫ ވިދާޅުވިއެވެ.

އިތުރަށް ވާހަކަދައްކަވަމުން ނެތަންޔާހޫ ވިދާޅުވީ، ހަނގުރާމައިގައި އިޒްރޭލުން ނިންމާފައިވާ ނިންމުންތަކުން މެދުއިރުމަތި އަލުން ބައްޓަންކުރެވިފައިވާ ކަމަށާއި، ޓްރަމްޕްގެ އެހީތެރިކަމާއެކު މިކަން އިތުރަށް ކުރިއަށް ގެންދެވިދާނެ ކަމަށެވެ.\

ރައީސް ޓްރަމްޕާ ގާތުން މަސައްކަތްކޮށްގެން މިކަން އިތުރަށް ރަނގަޅު ގޮތަކަށް ބަދަލުކުރެވިދާނެ ކަމަށް އަޅުގަނޑު ގަބޫލުކުރަން

ނަތަންޔާހޫ