ދުނިޔެ

ބަލޫޗިސްތާނުގައި ހިނގި ހަމަލާއެއްގައި 18 ސިފައިންނާއި ހަމަލާރޭވި މީހުންގެ 24 މީހުން މަރުވެއްޖެ

ބަލޫޗިސްތާނުގައި ހިނގި ހަމަލާއެއްގައި 18 ސިފައިންނާއި ހަމަލާރޭވި މީހުންގެ 24 މީހުން މަރުވެއްޖެ

ބަލޫޗިސްތާނުގައި ދިން ހަމަލާ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

03 ފެބްރުއަރީ 2025، 03:44

03 ފެބްރުއަރީ 2025، 03:44

ޕާކިސްތާނުގެ ބަލޫޗިސްތާން ސަރަޙައްދުގައި ހިނގި ދެ ހަމަލާއެއްގައި މަދުވެގެން 18 ސިފައިންނާއި  ހަމަލާދިން މީހުންގެ ތެރެއިން 24 މީހުން މަރުވެއްޖެއެވެ. މި ހަމަލާތައް ހިނގާފައިވަނީ އެ ސަރަޙައްދުގައި އިތުރުވަމުންދާ މަޒުހަބީ، ނަސްލީ އަދި ވަކިވެގަތުމުގެ އަނިޔާވެރިކަމުގެ ތެރެއިންނެވެ.

ޕާކިސްތާނުގެ ސިފައިން ބުނާ ގޮތުގައި ހަމަލާދިން ބަޔަކު ރޭގަނޑު މަގުތައް ބަންދުކުރަން މަސައްކަތް ކޮށްފައިވެއެވެ. އަދި ގިނަ މީހުން މަރުވެފައިވަނީ ސެކިއުރިޓީ ބާރުތަކުން މަގުތައް ހުޅުވުމުގެ މަސައްކަތް ކުރަމުންދަނިކޮށެވެ.

މަންގޯޗަރ ރަށާ ކައިރިން "ހަތިޔާރު ނުގެންގުޅޭ ފްރޮންޓިއަރ ކޯޕްސްގެ ސިފައިން" އުޅުނު އުޅަނދަކަށް "70 އާއި 80 އާ ދެމެދުގެ ހަތިޔާރު ހިފައިގެން ތިބި މީހުން" ވަނީ ހަމަލާދީފައެވެ. މި ހަމަލާގައި އިތުރު ތިން ސިފައިންގެ ހާލަތު ވަނީ ސީރިއަސްވެފައެވެ. އަދި ދެ ސިފައިން ވަނީ ސަލާމަތްވެފައެވެ.

ބަލޫޗް ލިބަރޭޝަން އާމީން ވަނީ މި ހަމަލާގެ ޒިންމާ ނަގައި، ސިފައިންގެ 17 މީހުން މަރުވިކަމަށް ބުނެފައެވެ.

ހޮނިހިރު ދުވަހު ހިންގުނު " އޮޕަރޭޝަން" ގައި ހަމަލާދިންމީހުންގެ ތެރެއިން މަދުވެގެން 11 ހަމަލާދިން މީހުން މަރުވެފައިވާ ކަމަށް ސިފައިން ބުނެފައިވެއެވެ.

ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަނީ މި ހަމަލާ ކުށްވެރިކޮށްފައެވެ.
                    

މި ލިޔުން ކިޔާލުމުން

Ads by MSS