ޖަމާޢަތްތެރިން ތަމްރީނުކުރުމުގެ ޕްރޮގްރާމުގެ ފުރަތަމަ ބުރު ފަށައިފި

އިސްލާމީކަންތައްތަކާ ބެހޭ ވުޒާރާގެ ދަށުން ހިންގަމުން އަންނަ ކީރިތި ޤުރުއާނާއި ބެހޭ ޤައުމީ މަރުކަަޒުން މި އަހަރު ކުރިއަށް ގެންދިއުމަށް ހަމަޖެހިފައިވާ ޖަމާޢަތްތެރިން ތަމްރީންކުރުމުގެ ޕްރޮގުރާމުގެ ފުރަތަމަ ބުރު ފަށައިފިއެވެ.

އެ މަރުކަޒުން ހާމަކޮށްފައިވާ ގޮތުގައި މި ބުރު ޢަމާޒުކޮށްފައި ވަނީ މާލެ ސަރަހައްދަަށެވެ.

މި ޕްރޮގްރާމުގެ ފުރަތަމަ ބުރުގައި 36 ފަރާތަކުން ބައިވެރިވެފައިވެއެވެ. މީގެ ތެރޭގައި އަންހެން ބޭފުޅުންނާއި ފިރިހެން ބޭފުޅުން ހިމެނެއެވެ. 

މި ޕްރޮގްރާމުގެ ސެޝަންތައް ކުރިޔަށް ގެންދަނީ ކިންގު ސަލްމާން މިސްކިތުގައެވެ. އަދި މި ސެޝަންތަކުގައި ކިޔަވައިދެއްވަނީ އިސްލާމީ ކަންތައްތަކާ ބެހޭ ވުޒާރާގެ ވާއިޡް، އައްޝައިޚް ޢަބްދުލްޤާދިރު މުޙައްމަދެވެެ.

ކީރިތި ޤުރުއާނާއި ބެހޭ ޤައުމީ މަރުކަޒުން ހާމަކޮށްފައިވާ ގޮތުގައި، އެ މަރުކަޒުން ކުރިއަށް ގެންދާ ޖަމާޢަތްތެރިން ތަމްރީން ކުރުމުގެ ޕްރޮގުރާމަކީ، މާލެއާއި ރާއްޖޭގެ ރަށްރަށުގައި ކަށުކަމާކެމީގެ ކަންކަން ކުރުމަށް އެކަށީގެންވާ ތަމްރީނު ލިބިފައިވާ މީހުން އިތުރުކުރުމުގެ މަޤުސަދުގައި ކުރިއަށް ގެންދާ ޕްރޮގްރާމެކެވެ.