ދުނިޔެ

ސީރިއާގެ ރައީސް އަލް-ޝަރާ ސަޢޫދީ ޒިޔާރަތުގައި ޢުމްރާކުރައްވައިފި

ސީރިއާގެ ރައީސް އަލް-ޝަރާ ސަޢޫދީ ޒިޔާރަތުގައި ޢުމްރާކުރައްވައިފި

ސީރިއާގެ ރައީސް އަލް-ޝަރާ ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

04 ފެބްރުއަރީ 2025، 08:34

04 ފެބްރުއަރީ 2025، 08:34

ސީރިއާ  ރައީސް އަޙްމަދު އަލް-ޝަރާ ސަޢޫދީ ޢަރަބިއްޔާއަށް ކުރައްވަމުންދާ ދަތުރުފުޅުގައި މަކާގައި ޢުމްރާކުރައްވައިފިއެވެ. މިއީ އެމަނިކުފާނު ރައީސްކަމާ ހަވާލުވެވަޑައިގަތުމަށްފަހު ބޭރު ޤައުމަކަށް ކުރައްވާ ފުރަތަމަ ދަތުރުފުޅެވެ.

ރައީސް އަލް-ޝަރާ ސަޢޫދީ ޢަރަބިއްޔާއަށް ވަޑައިގެންނެވީ އާދީއްތަ ދުވަހުއެވެ. އެދުވަހު އެމަނިކުފާނު ބައްދަލުކުރެއްވީ ސަޢޫދީ ޢަރަބިއްޔާގެ ޔަލްޢަހުދު އަމީރު މުޙައްމަދު ބިން ސަލްމާނާއެވެ. މި ބައްދަލުކުރެއްވުމުގައި ސީރިއާގެ ސަލާމަތާއި ރައްކާތެރިކަން ކަށަވަރުކުރުމަށް އެހީތެރިވެދެވިދާނެ ގޮތްތަކާ ބެހޭގޮތުން މަޝްވަރާކުރެއްވިއެވެ.

ހޯމަ ދުވަހު ރައީސް އަލް-ޝަރާ ރިޔާދުގައި ހުންނަ ސަޢޫދީ ޑޭޓާ އަދި އާޓިފިޝަލް އިންޓެލިޖެންސް އޮތޯރިޓީއަށް ޒިޔާރަތްކުރެއްވިއެވެ. އޭގެ ފަހުން އެމަނިކުފާނު ވަޑައިގަތީ މައްކާއަށެވެ. މަކާގައި އެމަނިކުފާނު ޢުމްރާކުރެއްވިއެވެ.

މި ދަތުރުފުޅަކީ ރައީސް އަލް-ޝަރާ މަޤާމާ ހަވާލުވެވަޑައިގަތުމަށްފަހު ބޭރު ޤައުމަކަށް ކުރައްވާ ފުރަތަމަ ދަތުރުފުޅެވެ. މި ދަތުރުފުޅުގައި ސީރިއާ އާއި ސަޢޫދީ ޢަރަބިއްޔާ ދެމެދު އޮތް ގުޅުން އިތުރަށް ބަދަހިވެގެންދާނެ ކަމަށް ބެލެވެއެވެ.
                    

މި ލިޔުން ކިޔާލުމުން

Ads by MSS