ކުޅިވަރު

ލޯނު އެއްބަސްވުމެއްގެ ދަށުން ރަޝްފޯޑު އެސްޓަން ވިލާއަށް ބަދަލުވެއްޖެ

ލޯނު އެއްބަސްވުމެއްގެ ދަށުން ރަޝްފޯޑު އެސްޓަން ވިލާއަށް ބަދަލުވެއްޖެ

ރަޝްފޯޑު އެސްޓަން ވިލާއަށް ބަދަލުވުން---

މިފްތާޙް މުޙައްމަދު

މިފްތާޙް މުޙައްމަދު

04 ފެބްރުއަރީ 2025، 08:39

04 ފެބްރުއަރީ 2025، 08:39

މެންޗެސްޓަރ ޔުނިއިޓެޑާ އަލަށް ހަވާލުވި ކޯޗު، ރޫބެން އަމޮރިމްގެ ރޭވުމުގައި އިނގިރޭސި ފޯވާޑް، މާކަސް ރަޝްފޯޑަށް ފުރުސަތު ނުލިބޭތީ އެކަމާ ޝަކުވާކުރުމަށްފަހު ލޯނު އެއްބަސްވުމެއްގެ ދަށުން އޭނާ އެސްޓަން ވިލާއާ ބަދަލުވެއްޖެއެވެ.

ޔުނައިޓެޑާއި އެސްޓަންވިލާގެ އެއްބަސްވުމުގައިވާ ގޮތުން، އޭނާ ދޫކޮށްފައިވަނީ މި ސީޒަނުގެ ނިޔަލަށެވެ. ނަމަވެސް ވިލާއިން ބޭނުންވެއްޖެނަމަ އޭނާ ގަތުމުގެ ފުރުސަތު ވެސް އެއްބަސްވުމުގެ ދަށުން އެބައޮތެވެ.

މީޑިޔާ ރިޕޯޓްތައް ބުނާ ގޮތުގައި ރަޝްފޯޑްގެ މުސާރައިގެ 75 އިން ސައްތަ ދޭނީ އެސްޓަން ވިލާއިންނެވެ. އަދި އެސްޓަން ވިލާއިން ލޯނު ފީގެ ގޮތުގައި އެއްވެސް އަދަދެއް މެންޗެސްޓަރ ޔުނައިޓެޑަށް ދީފައެއް ނުވެއެވެ.

އެރިކް ޓެންހާގް ވަކިކުރުމަށްފަހު ޔުނައިޓެޑާއި އަމޮރިމް ހަވާލުވެ ޔުނައިޓެޑް ކުޅުނު ފުރަތަމަ މެޗުގައި އިޕްސްވިޗް އާއި އެއްވަރުވެފައިވަނީ ރަޝްފޯޑް ޖެހި ގޯލުންނެވެ. އަދި އެވަޓަން އަތުން ޑިސެމްބަރ މަހު 4-0 އިން މޮޅުވި މެޗުގައި ރަޝްފޯޑް ވަނީ 2 ގޯލު ޖަހާފައެވެ.

ނަމަވެސް ލީގުގައި 15 ޑިސެމްބަރގައި މެންޗެސްޓަރ ސިޓީ އާއި ދެކޮޅަށް ކުޅުނު މެޗުގެ ބެންޗުންވެސް ރަޝްފޯޑަށް އަމޮރިމް ފުރުސަތު ދީފައެއް ނުވެއެވެ. އަދި އޭގެ ދެ ދުވަސް ފަހުން ރަޝްފޯޑް މީޑިއާއަށް ދިން އިންޓަވިއުއެއްގައި އޭނާ އެހެން ޓީމަކަށް ބަދަލުވުމަށް ބޭނުންވާކަމަށް ބުނި ހިސާބުން އަމޮރިމް އާއި ރަޝްފޯޑް އާއި ދެމެދު ވަނީ މައްސަލަ އިތުރަށް ގޯސްވެފައެވެ.

މި ލިޔުން ކިޔާލުމުން

Ads by MSS