ރައީސުލްޖުމްހޫރިއްޔާ ރިޔާސީ ބަޔާން އިއްވަވާ ދުވަހު އެމްޑީޕީއިން އިހުތިޖާޖުކުރަން ނިންމައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު ރިޔާސީ ބަޔާން އިއްވަވާ ދުވަހު އިދިކޮޅު އެމްޑީޕީއިން އިޖުތިޖާޖުކުރަން ނިންމައިފިއެވެ. 

ރައީސުލްޖުމްހޫރިއްޔާ ރިޔާސީ ބަޔާން ކޮންމެ އަހަރަކު ވެސް އިއްވަވާނީ މަޖިލީހުގެ އާ ދައުރު ފެށުމަށް ބާއްވާ ޖަލްސާގައެވެ. އެގޮތުން މަޖިލީހުގެ ދައުރު ފެށުމަށް ބާއްވާ ޖަލްސާ ބޭއްވުމަށް ހަމަޖައްސާފައިވަނީ 2025 ފެބުރުއަރީ 6 ވާ ބުރާސްފަތި ދުވަހުއެވެ.

އެ ޖަލްސާގެ އެޖެންޑާ މެމްބަރުންނަށް މިހާރު ފޮނުވާފައިވާއިރު، އެޖެންޑާގައި ވާގޮތުން ޖަލްސާ ފެށޭނީ އެ ދުވަހުގެ ހެނދުނު 9:00 ގައެވެ. އަދި އެ ޖަލްސާގައި މައިގަނޑު ގޮތެއްގައި އޮތީ ރައީސުލްޖުމްހޫރިއްޔާގެ ރިޔާސީ ބަޔާން އިއްވެވުމެވެ. 

އެމްޑީޕީން ވަނީ މިދިޔަ ހުކުރު ދުވަހުގެރޭ ވެސް މާލޭގައި އެއްވުމެއް ބާއްވާފައެވެ. އެ ޕާޓީން އިހުތިޖާޖުތައް ފަށާފައިވަނީ ޤާނޫނު އަސާސީގެ ބާރު ސަރުކާރުން ކަނޑުވާލާފައިވާކަމަށް ބުނެއެވެ.

ގާނޫނު އަސާސީއަށް ގެނައި ބަދަލުތައް ރުޖޫޢަކުރަންދެން، ސިލްސިލާ ހަރަކާތްތަކެއް މުޅި ރާއްޖޭގައި ކުރިއަށް ގެންދިއުމަށް އެ ޕާޓީގެ ގައުމީ މަޖިލީހުން ވަނީ ނިންމާފައެވެ.