މާލޭގައި މީހަކަށް މަރުތޭލަކުން ހަމަލާދީ މާރާމާރީ ހިންގައިފި

މާލޭގައި މީހަކަށް މަރުތޭލަކުން ހަމަލާދީ މާރާމާރީ ހިންގައިފިއެވެ.

ފުލުހުން ހާމަކޮށްފައިވާ ގޮތުގައި މި ހާދިސާ ހިނގާފައިވަނީ ކަނބާއައިސާރަނި ހިނގުމުން، އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ކައިރިންނެވެ.

މި މައްސަލަ ފުލުހުންނަށް ރިޕޯޓުކޮށްފައިވަނީ މިރޭ 08:41 ހާއިރުކަމަށް ވެސް ފުލުހުންގެ އިދާރާއިން ހާމަކޮށްފައިވެއެވެ.

މި ހާދިސާގައި އަނިޔާވި މީހާއަށް އައިޖީއެމްއެޗްގައި އަންނަނީ ފަރުވާދެމުންނެވެ. އަނިޔާވެފައި ވަނީ ފިރިހެނަކަށެވެ.

މި މައްސަލަ އިތުރަށް ތަޙުޤީޤު ކުރަމުންދާކަމަށް ވެސް ފުލުހުން ވަނީ ހާމަކޮށްފައެވެ.