ޚަބަރު
މިދިޔަ އަހަރު އައްޑޫގައި އެވަރެޖްކޮށް މަހަކު 23 އެކްސިޑެންޓު ހިނގި: އިކުވިޓޯރިއަލް ހޮސްޕިޓަލް

2024 ފެބުރުވަރީ 27ގައި އައްޑޫގައި ހިނގި އެކްސިޑެންޓެއް---
ހުލާސާ
އެންމެ ގިނަ އެކްސިޑެންޓު ހިނގާފައިވަނީ އެޕްރީލް މަހު. އެ މަހު 28 އެކްސިޑެއްޓެއް ހިނގި.
ނިމުނު 2024 ވަނަ އަހަރު އައްޑޫގައި އެވަރެޖްކޮށް މަހަކު 23 އެކްސިޑެންޓު ހިނގާފައިވާކަމަށް، އައްޑޫ އިކުވިޓޯރިއަލް ހޮސްޕިޓަލުން ހާމަކޮށްފިއެވެ.
އެގޮތުން މިދިޔަ އަހަރު ޖުމްލަ 277 އެކްސިޑެންޓެއް ވަނީ އައްޑޫ ސިޓީގައި ހިނގާފައެވެ.
🚨 Stay Alert, Stay Alive! 🚨
— Addu Equatorial Hospital (@aeh_mv) February 4, 2025
Every second counts in a road traffic accident. Speeding, distractions, and reckless driving put lives at risk—including yours.
⚠️ Slow down. Stay focused. Drive responsibly. ⚠️
Follow Our Journey!@presidencymv @MoHmv pic.twitter.com/YbK8Nzx0Pi
އިކުވިޓޯރިއަލް ހޮސްޕިޓަލުން އާންމުކުރި ތަފާސް ހިސާބުތައް ދައްކާގޮތުން، މިދިޔަ އަހަރު އެންމެ ގިނަ އެކްސިޑެންޓު ހިނގާފައި ވަނީ އެޕްރީލް މަހުއެވެ. އެ މަހު 28 އެކްސިޑެންޓެއް ހިނގާފައިވެއެވެ. އަދި ފެބުރުވަރީ މަހާއި މާރިޗު މަހާއި ޑިސެންބަރު މަހު ވަނީ 27 އެކްސިޑެންޓު ހިނގާފައެވެ.
އައްޑޫގައި މިދިޔަ އަހަރު ހިނގި އެކްސިޑެންޓުތަކުގެ ތަފާސް ހިސާބު:
މަސް | އެކްސިޑެންޓުގެ އަދަދު |
ޖަނަވަރީ | 22 |
ފެބުރުވަރީ | 27 |
މާރިޗު | 27 |
އެޕްރީލް | 28 |
މޭ | 18 |
ޖޫން | 20 |
ޖުލައި | 19 |
އޮގަސްޓު | 23 |
ސެޕްޓެންބަރު | 18 |
އޮކްޓޫބަރު | 24 |
ނޮވެންބަރު | 24 |
ޑިސެންބަރު | 27 |
އައްޑޫގައި އެކްސިޑެންޓުތައް އިތުރުވަމުން އަންނާތީ، މަގުމަތީގައި ދުއްވާއިރު ތިބާ އާއި އެހެން މީހުންގެ ރައްކާތެރިކަމަށް ސަމާލުކަން ދިނުމަށް އިކުވިޓޯރިއަލް ހޮސްޕިޓަލުން އިލްތިމާސްކޮށްފައިވެއެވެ.
ފުލުހުންގެ ތަފާސްހިސާބުތަކަށް ބަލާލާއިރު، މި އަހަރުގެ މިހާތަނަށް ދެވަނައަށް އެންމެ ގިނައިން ހުށަހަޅާފައިވަނީ ޓްރެފިކް އެކްސިޑެންޓުތަކުގެ މައްސަލައެވެ.
މި މަހުގެ އެއްވަނަ ދުވަހު ސިނަމާލެ ބުރިޖުގައި ވެސް ވަނީ ނުރައްކާތެރި އެކްސިޑެންޓެއް ހިނގާފައެވެ. އެ އެކްސިޑެންޓުގައި އަނިޔާވި މީހާ ވަނީ ނިޔާވެފައެވެ.