ޚަބަރު / ރިޕޯޓް
ފަލަސްތީނުގެ ބިމަށް ޓްރަމްޕުގެ އޮތީ "ޖައްބާރު" އެޖެންޑާއެއް

ޓްރަމްޕާއި ނަތަންޔާހު/ ފޮޓޯ: އެންބީސީ ނިއުސް
އިސްރާއީލުގެ ބޮޑު ވަޒީރު ބެންޖަމިން ނަތަންޔާހޫ އާއި އެމެރިކާގެ ރައީސް ޑޮނާލްޑް ޓްރަމްޕް، ވައިޓް ހައުސްގައި ބޭއްވި ކޮންފަރެންސެއްގައި ޓްރަމްޕު ވަނީ އިސްރާއީލާއި އެމެރިކާއާ ދެމެދުގައި އުފެދިފައިވާ ގުޅުމަކީ ޒަމާންވީ ގާތް ގުޅުމެއްކަމަށާއި، އެ ގުޅުން ދަމަހައްޓަން މަސައްކަތް ކުރާނެކަމަށް ބުނެފައެވެ. ޓީމެއްގެ ގޮތުގައި މަސައްކަތްކޮށް، އައިސިސް ބަލިކޮށްލުމާއި، އިރާނުގެ ނިއުކްލިއާ މައްސަލަތަކުން އަރައިގަތުމުގައި، އެކުގައި ބުރަ މަސައްކަތްތަކެއް ދެ ޤައުމަށް ކުރެވިފައިވާކަމާއި، މެދުއިރުމަތީގެ ސުލްޙަ ޤާއިމުކުރުމަށް އެ ދެޤައުމުން ގުޅިގެން ގިނަ މަސައްކަތްތަކެއް، ޒަމާނުއްސުރެ ކުރެވިފައި، އަދި ކުރަމުން ގެންދާކަމަށް ވެސް ޓްރަމްޕު ފާހަގަކޮށްފައިވެއެވެ.
ތަޢުރީފާ ޘަނާގެ ބަނދިތައް ނަތަންޔާހޫއަށް އިއްވުމަށްފަހު ޓްރަމްޕު ވަނީ، ފަލަސްޠީނުގައި ހިނގައިދިޔަ ނުރައްކާތެރި ޤަތުލުޢާންމަކީ، އެމެރިކާގެ ކުރީ ސަރުކާރުގެ ބޮޑު އިޙުމާލެއްކަމަށް ބުނެފައެވެ. ސީދާކޮށާއި ވަށްބަހުން، އެމެރިކާގެ ކުރީ ސަރުކާރުން ފަލަސްޠީނުގެ ރައްޔިތުންނަށް ޖެއްސި ދަތި ޙާލު ޓްރަމްޕު ކުށްވެރިކުރިއެވެ. އޭނާގެ އިސްވާރުކަމުގެ ދަށުން ކުރިއަށްދާ ސަރުކާރެއްގައި އެފަދަ ބޮޑު ބޭއިންސާފެއް އެއްވެސް ބަޔަކާމެދު ނުހިނގާނެކަމަށް ވެސް ޓްރަމްޕު ބުނެފައިވެއެވެ.
އެމެރިކާގެ ރައީސް، ތަޚުތުގައި އެހުންނެވީ، ފަލަސްޠީނުގެ ރައްޔިތުންނާއި، އެންމެހާ މުސްލިމުންނާމެދު ހަމްދަރުދީވާ ޙާލުގައޭ ހީވާ ފަދައިން، ޤަތުލުޢާންމެއް ހިންގުމަށް މެދުވެރިވި ސަބަބުތައް ޓްރަމްޕު ކުށްވެރިކުރަމުން ދިޔައެވެ. ދެން އެ ކޮންފަރެންސުން ފެނިގެން ދިޔައީ، ޢައިރު މުސްލިމުން ދުވަހަކުވެސް އިންސާނުންނަށް ހެވެއް ނޭދޭނެކަމަށް އިސްލާމްދީނުގައި އަންގަވާފައިވާ އެންގެވުމުގެ ވަރަށް ފުރިހަމަ މިސާލެކެވެ.
ޣައްޒާގެ ރައްޔިތުން ޢައްޒާއަށް އެނބުރި ދާންވާނެކަމަކަށް އަހަރެން ޤަބޫލެއްނުކުރަން. ޣައްޒާގެ ރައްޔިތުންނަށް އެ ޤައުމަކީ ވަރަށް ބަދުނަސީބު ބިމެއް. އެ ބިމަކީ އެ ރައްޔިތުންނަށް ނަރަކައެއް. ނަރަކައެއްގައި ބަޔަކު އުޅޭނެހެން އެ ޤައުމުގެ ރައްޔިތުން އުޅެންޖެހިފަ އެއޮތީ. ޣައްޒާއަކީ ބަޔަކު ދިރިއުޅުމެއް އުޅެން ހެޔޮވާވަރު ތަނެއް ނޫން. އަހަރެން ކަށަވަރުކުރަން، ޣައްޒާގެ ރައްޔިތުން އަނބުރާ އެ ޤައުމަށް ދަނީ އެ ރައްޔިތުންނަށް އިތުރު ގޮތެއް ނެތީމަ. އެ ރައްޔިތުން އެ ބިން ދޫކޮށް ވަކި ކޮންތާކަށް ދާނީ؟ ދާނެ ތަނެއް ނެތިގެން އެތާ އެ ތިބީ. ޣައްޒާގެ ރައްޔިތުންނަށް ފުރުސަތު އޮތްނަމަ އެ ރައްޔިތުން އުޅޭނީ، ބޮމާއި ވަޒަނުން ރައްކާތެރި، ހިތްފަސޭހަ ބިމެއްގަ. އެ މީހުން އުޅޭނީ، ރީތި ރަށެއްގަ. މަރުނުވެ ދިރިއުޅެވޭ ތަނެއްގަ. އެ ރައްޔިތުން ޣައްޒާގައި ތިބިއްޔާ ނުރައްކާތެރި ގޮތްގޮތަށް މަރާ ކުރިމަތިލާން ޖެހޭނެކަން އެ ރައްޔިތުންނަށް އިނގޭނެ. މީ ކުރިން ވެސް މިހާތަނަށް ވެސް ކަން ހިނގާފައިވާ އާދަ. މިކަން އަލުން ތަކުރާރުވާނެކަމާމެދު އެއްވެސް ޝައްކެއް ނެތް.
ޓްރަމްޕު ބުނެފައިވެއެވެ.
މިއަށްފަހު ޓްރަމްޕު ވަނީ، ފާއިތުވެދިޔަ 15 މަސްދުވަހު، ހަމާސްގެ ފުށުން ގިނަގުނަ އަނިޔާތަކާ އިސްރާއީލުން ކުރިމަތިލާންޖެހިފައިވާކަން ފާހަގަކޮށް، އެ އަނިޔާތަކުގެ ތެރެއިންވެސް އަމިއްލަ ދިފާޢުގައި ތެދުވެ، ހިއްވަރުގަދަ ޢަޒުމުގައި ކުރި "ހަނގުރާމަ"އަށް ތަޢުރީފުކޮށްފައެވެ. ޣާއްޒާއަކީ، "ހަލާކާއި މަރުގެ ނިޝާނެއް"ގެ ގޮތުގައި ސިފަކޮށް ޓްރަމްޕު ވަނި، އެ ޤައުމަށް ލިބިފައިވާ ގެއްލުންތައް ފޫބައްދުމަކީ ރަނގަޅު ޚިޔާލެއް ނޫންކަމަށް ބުނެފައެވެ. ނަމަވެސް، 1.8 ބިލިއަން ރުފިޔާގެ ޚަރަދަކާއެކު ޢައްޒާގެ ރައްޔިތުން، އެރައްޔިތުންނަށް އެހީ ފޯރކޮށްދޭން ބޭނުންވާ ޤައުމުތަކަށް އެހީ ފޯރުކޮށްދިނުމަށް ޓްރަމްޕު ވަނީ ޚިޔާލު ހުށައަޅާފައެވެ.
ޓްރަމްޕު ބުނާގޮތުގައި ޣައްޒާގެ ބިން ހޯދާނީ އެމެރިކާއިންނެވެ. އެމެރިކާއިން އެ ބިން ހޯދާ، ޤަތުލުޢައްމުގެ ތެރެއިން ޣައްޒާއަށް ލިބިފައިވާ ގެއްލުންތައް ފޫބައްދާ، ޢިގްތިޞާދީ ކުރިއެރުންތައް އެ ބިމަށް ގަނައުމަކީ ޓްރަމްޕުގެ ޕްލޭނެވެ.
ޓްރަމްޕު ބުނެފައިވާ ގޮތުގައި، އޭނާގެ އުންމީދަކީ، ފަލަސްޠީނުގެ ބިން ނޫން އެހެން ތަނެއްގައި ޣައްޒާގެ ރައްޔިތުން ވަޒަންވެރިކުރުވާ، ދިގުދެމިގެންދާނެ ސުލްޙަވެރިކަމެއް އެދެމެދުގައި އުފެދިގެން ދިޔުމެވެ. ނިންމާލަމުން ޓްރަމްޕު ވަނީ، އިޒްރާއީލާއި، އެމެރިކާއާ ދެމެދު އުފެދިފައިވާ ގާތް ގުޅުން ދަމަހައްޓާނެކަމަށާއި، އެ ގުޅުން ހަރުދަނާކުރާނެކަމަށް ބުނެފައެވެ. މި ގުޅުން ދެމެހެއްޓުމަށް އދ ގެ ފައިނޭންޝިއަލް ސަޕޯރޓު، ފޯ ދަ ޔޫއެން ވޯރކްސް އޭޖެންސީ އަށް ބޭނުންވާ ހުރިހާ ފަންޑެއް، އެ ޖަމިއްޔާއިން ހަމާސްއަށް އެހީތެރިވެދާނެކަމުގެ ބިރަށް ޓްރަމްޕު ވަނީ ހުއްޓުވާފައެވެ.