މަޖިލީހުގެ ޖަލްސާ: އިދިކޮޅު އެމްޑީޕީގެ 9 މެންބަރުންގެ ނަން އިއްވަވައިފި

ރައްޔިތުންގެ މަޖިލިސް މި އަހަރަށް ހުޅުވުމުގެ ގޮތުން ކުރިޔަށްދާ ޙާއްސަ ޖަލްސާގައި، އިދިކޮޅު އެމްޑީޕީގެ ބައެއް މެންބަރުން މަޖިލީހުގެ ޤަވާއިދަށް ހުރުމަތްތެރިކޮށް ހިތަމުން ނުދާކަމަށް ބުނެ، މަޖިލީހުގެ ރައީސް، އަބްދުއްރަޙީމް އަބްދުﷲ 9 މެންބަރެއްގެ ނަން އިއްވަވައިފިއެވެ. 

އެގޮތުން ނަން އިއްވަވާފައިވަނީ ގަލޮޅު ދެކުނު ދާއިރާގެ އިއްޒަތްތެރި މެންބަރު މީކާއީލު އަޙުމަދު ނަސީމް އާއި ހަނިމާދޫ ދާއިރާގެ އިއްޒަތްތެރި މެންބަރު އަބްދުލް ޣަފޫރު މޫސާ އާއި ވައިކަރަދޫ ދާއިރާގެ އިއްޒަތްތެރި މެންބަރު ޙުސައިން ޒިޔާދު އާއި ހިތަދޫ ދެކުނު ދާއިރާގެ އިއްޒަތްތެރި މެންބަރު އިބްރާޙިމް ނާޒިލް އާއި ކެޔޮދޫ ދާއިރާގެ އިއްޒަތްތެރި މެންބަރު މުޙައްމަދު ނިއުޝާދު އާއި މަރަދޫ ދާއިރާގެ އިއްޒަތްތެރި މެންބަރު އަޙުމަދުދީދީ އާއި ތޮއްޑޫ ދާއިރާގެ އިއްޒަތްތެރި މެންބަރު ޙުސައިން ސަމީރު އާއި ކެންދޫ ދާއިރާގެ އިއްޒަތްތެރި މެންބަރު މަޢުރޫފް ޛާކިރު އަދި ގަލޮޅު އުތުރު ދާއިރާގެ އިއްޒަތްތެރި މެންބަރު މުޙައްމަދު އިބްރާޙިމްއެވެ.

މި މެންބަރުންގެ ނަން އިއްވެވުމަށްފަހު މަޖިލީހުގެ ރައީސް ވިދާޅުވީ، މަޖިލީހުގެ ޤަވާއިދަށް ހުރުމަތްތެރިކޮށް ހިތްތަވާ މަޖިލީހުގެ ތަޅުމުން އެ މެންބަރުން ނިކުމެވަޑައިގެންނެވުމަށެވެ.