ރާއްޖޭގެ ޚާރިޖީ ސިޔާސަތު ބައްޓަންވެފައި އޮންނަން ވާނީ ދިވެހި ދައުލަތުގެ ސިޔާދަތީ މިނިވަންކަމަށް ބުރޫ ނާރާނެހެން: ރައީސް

ދިވެހިރާއްޖޭގެ ޚާރިޖީ ސިޔާސަތު ބައްޓަންވެފައި އޮންނަން ވާނީ ދިވެހި ދައުލަތުގެ ސިޔާދަތީ މިނިވަންކަމަށް ބުރޫ ނާރާނެހެން ކަމަށް ރައިސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެ އެވެ. އެމަނިކުފާނު މިފަދައިން ވިދާޅުވީ، މިއަދު އިއްވެވި ރިޔާސީ ބަޔާނުގައެވެ. 

ރައިސުލްޖުމްހޫރިއްޔާ ވިދާޅުވީ، ޤައުމީ ޙަޔާތުގައި ދިވެހި ކާބަފައިން ހަވާލުކުރައްވާފައި އޮތް އެންމެ މުހިންމު އަދި ދުވަސްވީ އަމާނާތަކި، ދިވެހި ދައުލަތުގެ ސިޔާދަތު ކަމަށެވެ. އެހެންކަމުން، ދިވެހީންގެ މަޞްލަހަތާއި ސަލާމަތަށްޓަކައި ދިވެހިންގެ ކަންކަން އަމިއްލައަށް ނިންމެވުމުގެ ފުރިހަމަ ބާރާއި އިޚުތިޔާރު ކޮންމެ ރައްޔިތަކަށް ވެސް ލިބިފައިވާކަން ރައީސް ވަނީ ފާހަގަކުރައްވާފަ އެވެ. މީގެ އިތުރުން، ރާއްޖެއަށް ކުރިއެރުން ލިބޭ ހުރިހާ ޤައުމަކާއި އެކު ގުޅުން ބަދަހިކުރައްވަން ވާނެ ކަމަށް ރައީސް ވަނީ ވިދާޅުވެފައެވެ. ނަމަވެސް، މިކަން ކުރައްވަން ވާނީ އެއްވެސް ބައެއްގެ ނުފޫޒަކާއި ނުލައި، ރާއްޖޭގެ އަމިއްލަ ފުރިހަމަ އިޚްތިޔާރުގައި ކަމަށް އެމަނިކުފާނު ވަނީ ވިދާޅުވެފައެވެ.

ރައީސް ވިދާޅުވީ، ރާއްޖޭގެ އަވަށްޓެރި ހުރިހާ ޤައުމަކާއި ގުޅުން ބަދަހިކުރުމަކީ ރާއްޖެއަށް ވެސް ފައިދާކުރާނެ މުހިންމު ކަމެއް ކަމަށެވެ. ހަމަ އެއާއެކު، ބައިނަލްއަޤްވާމީ ސުލްޙަވެރިކަމާއި އެކު ކޮންމެ މަސައްކަތެއްވެސް ކުރުމަށް ރައީސް ވަނީ ގޮވާލައްވާފަ އެވެ. މީގެ އިތުރުން ރައިސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، އަބަދުވެސް އެއްބައިވަންތަކަމާއި އަމާންކަމާ އެކީ ދިވެހި ޤައުމުގެ ކުރިއެރުމަށް މަގުފަހިވާ ގޮތަށް ގުޅިގެން މަސައްކަތްކުރެއްވުމަކީ މުހިންމު ކަމެއް ކަމަށެވެ. ރައީސް ވިދާޅުވީ، ރާއްޖެ އަބަދުވެސް އިސްކުރައްވާނީ ސުލްޙަވެރިކަމާއި އަމާންކަން ކަމަށެވެ. އަދި، އެހެން ޤައުމުތަކުގެ ބިންތައް ހިފައިގަތުމާއި ފުރާނައަށް ގެއްލުންދީ، އިންސާނި ކަރާމާތަށް އަރައިގަތުން ފަދަ ޖަރީމާތައް މި ޤައުމުން ދުވަހަކުވެސް ބަލައިނުގަންނާނެކަމަށް ރައީސް ވިދާޅުވިއެވެ.

ރައީސް ވަނީ، ދިވެހިރާއްޖެއަކީ މިނިވަންކަންމަތީ އަބަދުމެ އޮންނަ ޤައުމަކަށް ހެއްދެވުމަށް ނުހަނު ގިނަ ގުނަ މަސައްކަތްތަކެއް ކުރިއަށް އޮތް ދުވަސްތަކުގައި ކުރެއްވުމަށް ރާއްވަވާފަ އެވެ.