ޚަބަރު
މާވެޔޮމަގުގައި ހުރި ކެފޭއެއްގައި ހިނގި މާރާމާރީއާ ގުޅިގެން ނޭޕާލް މީހަކު ހައްޔަރުކޮށްފި

ޕޮލިސް---

ފަރުދުން
06 ފެބްރުއަރީ 2025، 02:13
06 ފެބްރުއަރީ 2025، 02:13
މިދިޔަ އަންގާރަ ދުވަހުގެ މެންދުރު މާވެޔޮމަގުގައި ހުރި ކެފޭއެއްގައި ހިނގި މާރާމާރީއާ ގުޅިގެން ނޭޕާލް މީހަކު ހައްޔަރުކޮށްފިއެވެ.
ފުލުހުން ހާމަކޮށްފައިވާ ގޮތުގައި ހައްޔަރުކޮށްފައިވަނީ ނޭޕާލްގެ ސިދާތާ ގުރުންގު (24އ) ނަމަކަށް ކިޔާ މީހެކެވެ. އަދި އޭނާ ހައްޔަރުކޮށްފައިވަނީ ކޯޓު އަމުރެއްގެ ދަށުންކަމަށް ވެސް ފުލުހުން ހާމަކޮށްފައިވެއެވެ. އަދި އެ އަމުރުގައިވާގޮތުން އޭނާގެ ބައްދާމެދު ގޮތެއް ނިންމުމަށް ފަސް ދުވަހެއްގެ މުއްދަތެއް ވަނީ ދީފައެވެ.
މި މާރާމާރީގައި އަނިޔާވި ބަނގުލަދޭޝް މިހާއަށް ފަރުވާދެމުން އަންނަނީ އައި.ސީ.ޔޫ. ގައެވެ.
މި މާރާމާރީ ހިނގާފައި ވަނީ ކެފޭގައި ކައްކާ މީހެއްގެ ވަޒީފާ އަދާކުރާ ނޭޕާލަށް ނިސްބަތްވާ މީހަކާއި، ހެލްޕަރެއްގެ ގޮތުގައި މަސައްކަތް ކުރަމުންދާ ބަންގްލަދޭޝްއަށް ނިސްބަތްވާ ދެ މީހުންގެ މެދުގައިކަމަށް ފުލުހުން މަޢުލޫމާތުދެއެވެ. ފުލުހުން ވިދާޅުވީ، މި މާރާމާރީގައި ދެ ބިދޭސީންނަށް ވެސް އަނިޔާވެފައިވާ ކަމަށެވެ.