ސައިންސް / ދުނިޔެ

2027 ވަނަ އަހަރާ ހަމައަށް އިންސާނުން ކަނޑުއަޑީގައި ދިރިއުޅުމަށް މަގުފަހިކޮށްދޭނެ ބިޔަ މަޝްރޫޢެއް ފަށައިފި

2027 ވަނަ އަހަރާ ހަމައަށް އިންސާނުން ކަނޑުއަޑީގައި ދިރިއުޅުމަށް މަގުފަހިކޮށްދޭނެ ބިޔަ މަޝްރޫޢެއް ފަށައިފި

"ޑީޕް" އިން ތައްޔާރުކުރާ ކަނޑުއަޑީގެ މަރުކަޒުގެ ކުރެހުން ފޮޓޯ:އިންޓަނެޓް

އާމިނަތު ޔުމްނާ

އާމިނަތު ޔުމްނާ

06 ފެބްރުއަރީ 2025، 04:06

06 ފެބްރުއަރީ 2025، 04:06

ކަނޑުއަޑީގައި އިންސާނުން ދިރިއުޅުމަށް މަގުފަހިކޮށްދޭނެ ބޭސްއެއް ޤާއިމުކުރުމުގެ މަސައްކަތް ކުންފުންޏަކުން ފަށައިފިއެވެ. މި މަޝްރޫޢުގެ ސަބަބުން ކަނޑުއަޑީގެ ދިރާސާތަކަށް އިންޤިލާބީ ބަދަލުތަކެއް އަންނާނެ ކަމަށް ބެލެވެއެވެ.

"ޑީޕް" ނަމަކަށް ކިޔާ މި ކުންފުނިން ވަނީ ކަނޑުއަޑީގައި އިންސާނުން ދިގު މުއްދަތަކަށް ދިރިއުޅެ، މަސައްކަތްކުރެވޭނެ ބޭސްއެއް ޤާއިމުކުރުމުގެ ޕްލޭންތައް ހާމަކޮށްފައެވެ. މި ބޭސް ހުންނާނީ ކަނޑުގެ ފުންމިނުގައި 200 މީޓަރު ތިރީގައި ކަމަށާއި، މި ބޭސްގައި 6 ނުވަތަ އެއަށްވުރެ ގިނަ މީހުންނަށް ތިބެވޭނެ ކަމަށް ބެލެވެއެވެ.

ގްލޯސެސްޓަރޝަޔަރގައި ހުންނަ މި ކުންފުނިން ބުނާ ގޮތުގައި މި މަޝްރޫޢަކީ ބައިނަލްއަޤްވާމީ ޖައްވީ މަރުކަޒާ އެއްފަދަ މަޝްރޫޢެކެވެ. އަދި މި މަޝްރޫޢުގެ ސަބަބުން ކަނޑުއަޑީގައި އިންސާނުން ދިރިއުޅުމަށް އިންޤިލާބީ ބަދަލުތަކެއް އަންނާނެ ކަމަށް އެ ކުންފުނިން ބުނެއެވެ.

ޑީޕްގެ ޕްރެޒިޑެންޓް (އީމިއާ) ސްޓީވް އެތަރޓަން ވިދާޅުވި ގޮތުގައި މި މަޝްރޫޢަކީ ހަމައެކަނި ކަނޑުއަޑީގެ ބޭސްއެއް ނޫނެވެ. މި މަޝްރޫޢުގެ ދަށުން އައު ޖީލުގެ ސަބްމާރިންތަކާއި، ޚާއްޞަ އުފެއްދުންތަކާއި، ސަލާމަތީ ނިޒާމުތައް ތަރައްޤީކުރެވޭނެއެވެ.

މި މަޝްރޫޢުގެ ޑިޒައިން ވަނީ ދުނިޔޭގެ އެންމެ ނަން މަޝްހޫރު ސެޓިފިކޭޝަން އޮތޯރިޓީތަކުގެ ތެރެއިން އެއް އޮތޯރިޓީ ކަމަށްވާ ޑީއެންވީން ފާސްކޮށްފައެވެ. އަދި މި މަޝްރޫޢުގެ މެނުފެކްޗަރިންގ މަސައްކަތްތައް ވެސް ވަނީ ފެށިފައި ކަމަށް ޑީޕްގެ ޕްރެޒިޑެންޓް (ގްލޯބަލް އިންފްރާސްޓްރަކްޗަރ) މައިކަލް ޝެކްލްފޯޑް ވިދާޅުވިއެވެ.
                    

މި ލިޔުން ކިޔާލުމުން

Ads by MSS