ޙަސީނާގެ ބައްޕާފުޅުގެ ގެކޮޅުގައި ރޯކޮށްލައިފި

ބަންގްލަދޭޝްގެ ކުރީގެ ބޮޑު ވަޒީރު ޝައިޚް ޙަސީނާގެ ބައްޕާފުޅު, އަދި ބަންގްލަދޭޝްގެ ބާނީ ޝައިޚް މުޖީބުއްރަޙްމާނުގެ ގެކޮޅުގައި ރޯކޮށްލައިފިއެވެ.

ބަންގްލަދޭޝްގެ ސަރުކާރުގެ  ވަޒީފާތަކަށް މީހުން ޢައްޔަން ކުރުމުގައި އަމަލު ކުރަމުން ދިޔަ ކޯޓާ ނިޒާމާ ދެކޮޅަށް ބަންގްލަދޭޝްގެ ގިނަ ޢަދަދެއްގެ ދަރިވަރުން މުޒާހަރާ ކުރުމުން މުޒާހަރާތައް ރޫޅައިލަން ފުލުހުން ބާރުގެ ބޭނުންކޮށް, ގިނަ ޢަދަދެއްގެ ދަރިވަރުން މަރައިލުމާ ގުޅިގެން މުޒާހަރާތައް ހޫނުވެ އިސްތިޢުފާ ދިނުމަށް ޙަސީނާއަށް މަޖުބޫރު ވުމުންނެވެ.

އަވަށްޓެރި އިންޑިއާގައި ހުންނަވާ ޤައުމުގެ ރައްޔިތުންނާއި ސަޕޯޓަރުންނާ މުހާތަބު ކުރައްވާ ޙިޠާބެއް ދެއްވުމަށް ޙަސީނާ ނިންމެވުމުން އެ ގަޑިއާ ދިމާކޮށް ޙަސީނާއަށް ވެރިކަން ދޫކޮށްލުމަށް މަޖުބޫރު ކުރި މުޒާހަރާތައް ރޭވުމުގައި އެންމެ އިސްކޮށް ޙަރަކާތްތެރިވި ސްޓޫޑަންޓްސް އަގެއިންސްޓް ޑިސްކްރިމިނޭޝަނާ ގުޅުންހުރި އެތައް ހާސް ބަޔަކު ވަނީ މުޖީބުއްރަޙްމާންގެ ގެކޮޅު ކައިރިއަށް އެއްވެފައެވެ. ޙަސީނާގެ ޙިޠާބުގައި އޭނާ ވަނީ އިންތިޤާލީ ވެރިކަމާ ދެކޮޅަށް ތެދުވުމަށް ޤައުމުގެ ރައްޔިތުންނަށް ގޮވައިލައްވައިފައެވެ. އިންތިޤާލީ ސަރުކާރުން ވެރިކަން ކުރަމުން ދަނީ ދުސްތޫރީ ހަމަތަކާ ޚިލާފަށް ކަމަށް އޭނާ ވަނީ ވިދާޅުވެފައެވެ.

ހަސީނާ ވާހަކަދެއްކެވި މޭރުމުން، މުޒާހަރާކުރި މީހުންނަށް ވިސްނުނީ، އެ ވާހަކަކޮޅަކީ ހަސީނާ އައު ވެރިކަމާ ގޮންޖެއްސެވުމަށް ދެއްކެވި ވާހަކަތަކެއްކަމަށެވެ. މިކަމުގެ ސަބަބުން ބަންގްލަދޭޝްގެ ރައްޔިތުން ނުރުހުންވެ، ވަޅުއާއި، މުރުތޭލާއި. ބުލްޑޯޒަރުތަކާއި، ކެރޭނުތައް ހިފައިގެން މުޖީބުއްރަޙްމާނުގެ ގެކޮޅު ބިިމާ ހަމަ ކޮށްލުމުގެ މަޤްސަދުގައި ގޮސްފައިވެއެވެ. ފެބްރުވަރީ މަހުގެ 5ވަނަ ދުވަހު އެ ގެކޮޅު ހަލާކު ކޮށްލަން ފަށައި ޖެހިގެން އައި ދުވަހު ވެސް އެ މަސައްކަތް ވަނީ ކުރިއަށް ގެންގޮސްފައެވެ. ފެބްރުވަރީ މަހުގެ 5ވަނަ ދުވަހު އެ ގެކޮޅު ހަލާކު ކޮށްލަން ފަށައި ޖެހިގެން އައި ދުވަހު ވެސް އެ މަސައްކަތް ކުރިއަށް ގެންގޮސްފައިވެއެވެ. 

ބަންގްލަދޭޝްގެ ބައްޕަގެ ގޮތުގައި މަޝްހޫރުވެފައިވާ ޙަސީނާގެ ބައްޕާފުޅު، ޝައިޅް މުޖީބުއްރަޙްމާނަކީ ބަންގްލަދޭޝްގެ ފުރަތަމަ ރައީސެވެ. މުޖީބުއްރަޙްމާންގެ ގެކޮޅަކީ ބަންގްލަދޭޝްގެ ތާރީޚާ ގުޅިފައިވާ ޚާއްސަ ގެއެކެވެ. 1975ވަނަ އަހަރު އޭނާ އާއި އޭނާގެ ޢާއިލާގެ ގިނަ ޢަދަދެއްގެ މީހުން ވަނީ އެ ގޭގައި އަވަހާރަ ކޮށްލައިފައެވެ. އެ ހަމަލާގައި ސަލާމަތްވެވަޑައިގެންނެވި އޭނާގެ ދަރިކަލުން ޝައިޅް ޙަސީނާ ފަހުން ވަނީ އޭނާގެ ބައްޕާފުޅުގެ ހަނދާނުގައި އެ ގެކޮޅު ދާރުލް އާސާރަކަށް ބަދަލު ކުރައްވައިފައެވެ. މުޖީބުއްރަޙްމާންގެ ދިރުއުޅުމާއި ޤައުމަށްޓަކައި އޭނާ ކުރެއްވި ޚިދުމަތްތައް ބަލައިލުމަށް ގިނަ ޢަދަދެއްގެ މީހުން އެ ގެކޮޅަށް ޒިޔާރަތް ކުރެއެވެ.

ބަންގްލަދޭޝްގައި އުފައްދާފައިވާ އިންތިޤާލީ ސަރުކާރުގެ އިސްވެރިޔާގެ ގޮތުގައި މިހާރު މަސައްކަތް ކުރައްވަމުން ގެންދަވަނީ ނޮބެލް ސުލްޙައިގެ އިނާމު ޙާޞިލު ކުރައްވާފައިވާ މުޙައްމަދު ޔޫނުސެވެ. މުޖީބުއްރަޙްމާނުގެ ގެކޮޅުގައި ރޯކޮށްލުމާ ގުޅިގެން ޔޫނުސްގެ އޮފީހުން ބުނީ މުޒާހަރާގެ ބައިވެރިން ގެކޮޅަށް ޙަމަލާ ދިނުމަކީ އެ ގޮތަށް ގަސްދުކޮށްގެން އަދި ބޭނުން ވެގެން ވެސް އެ މީހުން ކުރި ކަމެއް ނޫން ކަމަށެވެ.

އިދިކޮޅު މީހުންނަށް އިމާރާތެއް ސުންނާފަތި ކުރެވިދާނެ. ނަމަވެސް ތާރީޚު ފޮހެ ނުލެވޭނެ. ތާރީޚުން ބަދަލު ހިފާނަން. ބައްޕާފުޅުގެ ގެކޮޅުގައި ރޯކޮށްލުމާ ގުޅިގެން  

ޙަސީނާ ވިދާޅުވިއެވެ.

ޙަސީނާގެ އަނިޔާވެރި ސުލޫކަށް ދިން ރައްދެއްގެ ގޮތުގައި މުޙައްމަދު ޔޫނުސް ވަނީ އެ ޙަމަލާ ސިފަ ކޮށްދީފައެވެ. މިދިޔަ ޖުލައި މަހުގެ ތެރޭގައި ޙަސީނާއާ ދެކޮޅަށް ތެދުވެ މުޒާހަރާތަކުގައި އަމިއްލަ ނަފްސު ޤުރުބާން ކުރި މީހުންނަށް ޙަސީނާ މަލާމާތް ކޮށް ނިކަމެތި ކުރަމުން ދާ ކަމަށް ވެސް ބުނެފައިވެއެވެ. ހަމައެހެންމެ، ޤައުމުގައި އިތުރަށް ހަމަނުޖެހުމާއި ނުތަނަވަސްކަން އުފައްދާނެ ކަމުގެ އިންޒާރު ޙަސީނާ ދެއްވާފައިވާ ކަމަށް ވެސް އެ އިދާރާއިން ނެރެފައިވާ ބަޔާނެއްގައި ފާހަގަ ކޮށްފައި ވެއެވެ.