އޮފީސްތަކުގެ ބިލިއާރޑް މުބާރާތް ކުރިއަށް ދަނީ

މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ) އިން އިންތިޒާމުކޮށްގެން ބާއްވާ 12 ވަނަ އެމްއައިބީ އިންޓަރ އޮފީސް ބިލިއާޑް މުބާރާތުގެ ކުޅުން ފަށައިފިއެވެ.

ބިލިއާރޑުގެ އެންމެ ފޯރިގަދަ އެއް އިވެންޓުކަމުގައިވާ ޓީމު އިވެންޓުގައި މިއަހަރު 13 އޮފީހެއް ވަނީ ބައިވެރިވެފައެވެ. ކޮންމެ އަހަރަކު ވެސް ބޭއްވޭ މި މުބާރާތުގައި، މިފަހަރު ގިނަ އަދަދެއްގެ ކުޅުންތެރިން ބައިވެރިވެފައިވާކަން ފާހަގަކޮށްލެވެއެވެ. 

މިއަހަރުގެ ބިލިއާރޑު މުބާރާތް ކުރިއަށް ދަނި ދެ ޑިވިޝަނަކަށް ބަހާލެވިގެންނެވެ. މިގޮތުން ފުރަތަމަ ޑިވިޝަނުގައި 27 ކުޅުންތެރިން، 2 ވަނަ ޑިވިޝަނުގައި 83 ކުޅުންތެރިން އަދި އަންހެން ޑިވިޝަނުގައި 17 ކުޅުންތެރިން ބައިވެރިވާކަން ފާހަގަކޮށްލެވެއެވެ. 

MIB 12th Inter-Office Billiard Championship 2025.

Starting today 6th February,.#maldivespool #poolbilliard #Maldives pic.twitter.com/6H1Hr7bTZS

— Maldives Pool Billiard Association (@maldivespool) February 6, 2025

މުބާރާތުގައި އެންމެ ފުރަތަމަ ފެށީ ސިންގަލް އެލިމިނޭޝަން ނޮކް އައުޓް އުސޫލުން ސިންގަލްސް އިވެންޓުގެ މެޗުތައް ކަމަށް އެމްޕީބީއޭ އިން މައުލޫމާތުދެއްވައެވެ.

ޓީމް އިވެންޓުގެ މެޗުތައް މިމަހު ބާރަވަނަ ދުވަހު ފެށުމަށް ހަމަޖެހިފައި ވާއިރު، ޓީމް އިވެންޓުގެ ފައިނަލް މެޗުތައް ކުޅުމަށް ހަމަޖެހިފައި ވަނީ މިމަހުގެ 20 ވަނަ ދުވަހުއެވެ. ހަމައެހެންމެ، ސިންގަލްސް ގެ ފައިނަލް މެޗުތައް ކުޅުމަށް ހަމަޖެހިފައި ވަނީ، މިމަހުގެ 10 ވަނަ ދުވަހުގެ ރޭ 20:30 ގައެވެ.