އެލާސްކާގައި 10 މީހުނާއިއެކު މަތިންދާބޯޓެއް ގެއްލިއްޖެ

ބެރިންގ އެއަރގެ ކުޑަ މަތިންދާބޯޓެއް 10 މީހުންނާއެކު އެލާސްކާގައި ގެއްލިގެން ހޯދުމުގެ މަސައްކަތް ކުރަމުންދާ ކަމަށް އެލާސްކާގެ ޕަބްލިކް ސޭފްޓީ ޑިޕާޓްމަންޓުން ބުރާސްފަތި ދުވަހު ހާމަކޮށްފިއެވެ. މި ބޯޓަކީ އުނަލަކްލީޓުން ނޯމްއަށް ދަތުރުކުރަމުންދިޔަ ސެސްނާ ކެރަވަން ބޯޓެކެވެ.

ގެއްލުނު ބޯޓުގައި 9 ފަސިންޖަރުންނާއި އެއް ޕައިލެޓް ތިބިކަމަށް އެ އިދާރާއިން ބުނެފައިވެއެވެ. އަދި ބޯޓުގެ އެންމެ ފަހުގެ ކޯޑިނޭޓްސް ހޯދުމަށް މަސައްކަތްކުރަމުންދާ ކަމަށްވެސް ބުނެފައިވެއެވެ.

އެލާސްކާގައި އެހެން އެމެރިކާގެ ސްޓޭޓްތަކާ އަޅާބަލާއިރު ގިނަ އަދަދެއްގެ އެއަރ ޓެކްސީ އަދި ކޮމިއުޓަރ ޕްލޭން ހާދިސާތައް ހިނގާކަމަށް ނެޝަނަލް އިންސްޓިޓިއުޓް އޮފް އޮކިއުޕޭޝަނަލް ސޭފްޓީ އެންޑް ހެލްތުން ބުނެފައިވެއެވެ. އެލާސްކާގައި ފަރުބަދަތަކާއި ދަތި މޫސުމީ ޙާލަތްތައް ހުރުމާއި، ގިނަ ރަށްތަކަށް މަގުން ދަތުރު ނުކުރެވޭތީ، މީހުންނާއި މުދާ އުފުލުމަށް ކުދި މަތިންދާބޯޓުތައް ބޭނުންކުރެއެވެ.

ބެރިންގ އެއަރއަކީ އެލާސްކާގައި ހިންގާ ސަރަޙައްދީ އެއަރލައިނެއް ކަމަށާއި، އެ ކުންފުނިން 39 މަތިންދާބޯޓާއި ހެލިކޮޕްޓަރު އޮޕަރޭޓްކުރާ ކަމަށް ފްލައިޓް ޓްރެކިންގ ވެބްސައިޓް ފްލައިޓްރާޑާ24 އިން ހާމަކޮށްފައިވެއެވެ. ގެއްލުނު ބޯޓު އެންމެ ފަހުން ފެނިފައިވަފެނިފައިވަނީ ބުރާސްފަތި ދުވަހުގެ 14:38 ގައި އުނަލަކްލީޓުން ފުރި ފަހުން 38 މިނެޓް ފަހުން ކަނޑުމަތީގައި ދަތުރުކުރަމުންދަނިކޮށެވެ. މި ދަތުރަކީ އާންމުކޮށް އެއް ގަޑިއިރަށްވުރެ ކުރު ދަތުރެކެވެ.

މި މައްސަލައާ ގުޅޭގޮތުން ބެރިންގ އެއަރއިން އަދި އެއްވެސް ބަޔާނެއް ދީފައެއް ނުވެއެވެ.