ޚަބަރު
މާފަންނުގެ ގެއެއްގައި ރޯވި އަލިފާންގަނޑު ސިފައިން ކޮންޓްރޯލްކޮށްފި
އަލިފާން ނިއްވުމަށް އެމްއެންޑީއެފް ފަޔަރ އެންޑް ރެސްކިއު ސަރވިސްއިން ހަރަކާތްތެރިވަނީ، ފޮޓޯ: އެމްއެންޑީއެފް
ފަރުދުން
09 ފެބްރުއަރީ 2025، 07:41
09 ފެބްރުއަރީ 2025، 07:41
މާފަންނުގެ ގެއެއްގައި ރޮވި އަލިފާންގަނޑު އެމްއެންޑީއެފް ފަޔަރ އެންޑް ރެސްކިއު ސަރވިސްއިން ކޮންޓްރޯލްކޮށްފިއެވެ.
ސިފައިން ހާމަކޮށްފައިވާ ގޮތުގައި އަލިފާން ރޯވެފައިވަނީ މ. ހައުސްޕްލާޒާ ގޭގައެވެ. މިއީ ބުރުޒު މަގުގައި، ޝީ ބިލްޑިންގެ ދެކުނަށް ހުންނަ ގެއެކެވެ.
މި ހާދިސާ ހިނގި އިމާރާތަކީ މީހަކު ދިރިއުޅެމުންދާ އިމާރާތެއް ނޫންކަމުން، މި ހާދިސާގައި އެއްވެސް މީހަކަށް އަނިޔާވެފައެއް ނުވެއެވެ.
މީގެކުރިންވެސް އެތަނުގައި މިފަދަ އަލިފާނުގެ ޙާދިސާތައް ހިނގާފައިވެއެވެ. އެންމެފަހުން މިތަނުގައި އަލިފާނުގެ ޙާދިސާއެއް ހިނގާފައިވަނީ 2023ވަނަ އަހަރުގެ ސެޕްޓެމްބަރު މަހުއެވެ. އެފަހަރު އެތަނުގައި ރޯކޮށްލި މައްސަލާގައި ބަޔަކު ހައްޔަރުވެސް ކުރިއެވެ.
