ޚަބަރު
މެރިން ރިސާޗް އިންސްޓިޓިއުޓްގެ އިސް މުވައްޒަފެއް ކުއްލި ގޮތަކަށް ނިޔާވެއްޖެ

ޙަސަން ޝަކީލް (64 އަހަރު) ފޮޓޯ: މެރިން ރިސަރޗް
މޯލްޑިވްސް މެރިން ރިސާޗް އިންސްޓިޓިއުޓްގެ ޑެޕިއުޓީ ޑިރެކްޓަރ ޖެނެރަލް، ޙަސަން ޝަކީލް (64 އަހަރު) ކުއްލި ގޮތަކަށް ނިޔާވެއްޖެއެވެ. ޙަސަން ޝަކީލަކީ މެރިން ރިސާޗް އިންސްޓިޓިއުޓަށް 40 އަހަރަށްވުރެ ގިނަ ދުވަހު ޚިދުމަތްކުރައްވާފައިވާ އިސް މުވައްޒަފެކެވެ.
މި ހިތާމަވެރި ޚަބަރާ ގުޅިގެން މެރިން ރިސާޗް އިންސްޓިޓިއުޓުން ވަނީ ތަޢުޒިޔާ މެސެޖެއް ނެރެފައެވެ. އެ މެސެޖުގައި ޙަސަން ޝަކީލަކީ މެރިން ރިސާޗްގެ ދާއިރާއިން މީހުން ބިނާކުރުމަށް ގިނަގުނަ މަސައްކަތްތަކެއް ކުރައްވާފައިވާ ބޭފުޅެއްކަން ފާހަގަކޮށްފައިވެއެވެ.ޙަސަން ޝަކީލަކީ އެ އިންސްޓިޓިއުޓް އުފެދުނު ފަހުން އެންމެ ގިނަ ދުވަހު އެތަނުގައި މަސައްކަތްކުރެއްވި އެއް ބޭފުޅާކަންވެސް ވަނީ ފާހަގަކުރައްވާފައެވެ.