Ads by Exprox

ޚަބަރު

މާލޭގެ ހައުސްޕްލާޒާގައި އަލިފާންރޯވީ ކުނިތަކެއްގައި ރޯވުމުން: އެމްއެންޑީއެފް

މާލޭގެ ހައުސްޕްލާޒާގައި އަލިފާންރޯވީ ކުނިތަކެއްގައި ރޯވުމުން: އެމްއެންޑީއެފް

މާލޭގެ ހައުސްޕްލާޒާގައި އަލިފާންރޯވުން ފޮޓޯ:އެމްއެންޑީއެފް

އާމިނަތު ޔުމްނާ

އާމިނަތު ޔުމްނާ

09 ފެބްރުއަރީ 2025، 10:03

09 ފެބްރުއަރީ 2025، 10:03

މާލޭގެ މ. ހައުސްޕްލާޒާގައި މިއަދު ހެނދުނު އަލިފާނުގެ ހާދިސާ ހިނގާފައިވަނީ އެ ގޭގައި ހުރި ކުނިތަކެއްގައި ރޯވެގެން ކަމަށް މޯލްޑިވްސް ނޭޝަނަލް ޑިފެންސް ފޯސްއިން މަޢުލޫމާތު ދީފިއެވެ.

އެމްއެންޑީއެފްގެ ފަޔަރ އެންޑް ރެސްކިއު ސަރވިސްއަށް މި ހާދިސާގެ މަޢުލޫމާތު ލިބުނީ މިއަދު ހެނދުނު 6:35 ހާއިރުއެވެ. މަޢުލޫމާތު ލިބުމާއެކު ވަގުތުން ފަޔަރފައިޓަރުން އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ފަށާފައިވެއެވެ. އަދި ގާތްގަނޑަކަށް އެއް ގަޑިއިރު ފަހުން، 7:47 ހާއިރު އަލިފާން މުޅިން ނިއްވާލެވުނެވެ.

އެމްއެންޑީއެފްގެ ފަރާތުން ހާމަކުރި ގޮތުގައި، މި ހާދިސާ ހިނގި ގެއަކީ ގިނަ ދުވަސްތަކެއް ވަންދެން ފަޅުގެއެއްގެ ގޮތުގައި ހުރި ތަނެކެވެ. އަދި މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަންވެސް އެފަރާތުން ފާހަގަކޮށްފައިވެއެވެ.

މ. ހައުސްޕްލާޒާގައި މީގެ ކުރިންވެސް އަލިފާނުގެ ހާދިސާތަކެއް ހިނގާފައިވެއެވެ. އެންމެ ފަހުން މިފަދަ ހާދިސާއެއް ހިނގީ 2023 ވަނަ އަހަރުގެ ސެޕްޓެމްބަރު މަހުއެވެ. އެ ހާދިސާއާ ގުޅިގެން އަލިފާން ރޯކުރި ކަމުގެ ތުހުމަތުގައި ދެ މީހަކު ހައްޔަރުކުރެވުނެވެ.


                    

މި ލިޔުން ކިޔާލުމުން

Ads by MSS