ޚަބަރު
ޑްރަގު މައްސަލައަކާ ގުޅިގެން 20 އަހަރުގެ ޒުވާނަކު ހޯދުމަށް އިޢުލާންކޮށްފި

ފުލުހުން ހޯދަމުންދާ ޙުސައިން ޝުޖުއާން ނާފިޒް---
ޑްރަގު މައްލައަކާ ގުޅިގެން 20 އަހަރުގެ ޒުވާނަކު ހޯދަން ބޭނުންވެގެން އޭނާގެ ވަނަވަރު، ފުލުހުން އާންމުކޮށްފިއެވެ.
ފުލުހުން ހާމަކޮށްފައިވާ ގޮތުގައި، މި ޒުވާނާ ހޯދުމަށް ބޭނުންވަނީ ކްރިމިނަލް ކޯޓަށް ހުށަހަޅާފައިވާ މައްސަލައަކާ ގުޅިގެން، އެ ކޯޓަށް ހާޒިރުކުރަން އެންގި ނަމަވެސް އޭނާ ކޯޓަށް ހާޒިރުކުރެވިފައިނުވުމުންނެވެ. އެހެންކަމުން އޭނާ ކޯޓަށް ހާޒިރުކުރަން އަމުރުކޮށްފައިވަނީ ބަންދުގައި ބަހައްޓައިގެންކަމަށް ވެސް ފުލުހުން ހާމަކޮށްފައިވެއެވެ.
ކްރިމިނަލް ކޯޓުގެ މި އަމުރާ ގުޅިގެން ފުލުހުން ހޯދަން ބޭނުންވަނީ ޙުސައިން ޝުޖުއާން ނާފިޒް، ޒަމީން / ގދ. ފިޔޯރީ (20އ)އެވެ.
ކްރިމިނަލް ކޯޓުން ޝުޖުއާން ހޯދަމުން ދަނީ އޭނާގެ މައްޗަށް ކްރިމިނަލް ކޯޓަށް ހުށަހެޅިފައިވާ ޑައިމޯފިން ފެޑްލްކުރުމުގެ ކުށުގެ މައްސަލައަކާ ގުޅިގެންނެވެ.
ބަންދުގައި ބަހައްޓައިގެން ކޯޓަށް ހާޒިރުކުރުމަށް ކްރިމިނަލް ކޯޓުން ފުލުހުންނަށްކޮށްފައިވާ އަމުރުގެ ދަށުން، އޭނާ އެ ކޯޓަށް ހާޒިރުކުރަން ޖެހެނީ 2025 ފެބްރުވަރީ 10 ވަނަ ދުވަހުގެ 13:00އަށެވެ.
މި މައްސަލައާ ގުޅިގެން ފުލުހުން އެދިފައިވަނީ ޝުޖުއާންއާ ބެހޭ އެއްވެސް މަޢުލޫމާތެއް ލިބިއްޖެނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅުއްވައި ހިއްސާކުރެއްވުމަށެވެ.