އިންޓަރ އޮފީސް ބިލިއާޑް މުބާރާތުގެ ސިންގަލްސް ފައިނަލް މެޗުތައް މިރޭ ބާއްވަނީ

12 ވަނަ އެމްއައިބީ އިންޓަރއޮފީސް ބިލިއަރޑް މުބާރާތުގެ ފަސްވަނަ ދުވަހާއި ހަމަ އަށް އައިއިރު ސިންގަލްސް އިވެންޓްގެ ފައިނަލަށް ދިޔަ ކުޅުންތެރިން ވަނީ ކަށަވަރު ވެފައެވެ.

ސިންގަލްގެ 121 މެޗު މިހާތަނަށް ކުޅެވިފައި ވީއިރު، އަންހެނުންގެ ޑިވިޝަންގައި ފައިނަލަށް ގޮސްފައި ވަނީ، ރައީސް އޮފީހުގެ ފަގީހާ އިބްރާހީމާއި، ކަސްޓަމްސް ރެކްރިއޭޝަން ކުލަބުގެ އައިޝަތު ޔަޝްފާއެވެ. 

ދެވަނަ ޑިވިޝަންގެ ފައިނަލަށް އެމް.އެން.ޑީ.އެފްގެ ހުސެން ސާޖިދުﷲ އާއި ދިރާގުގެ ހުސެން ޝިމާލް ގޮސްފައިވާއިރު، 1 ވަނަ ޑިވިޝަންގެ ފައިނަލަށް ގޮސްފައި ވަނީ އެމްޕީއެލްގެ ހަސަން ޝާޒްއާއި، ކަސްޓަމްސް ރެކްރިއޭޝަން ކްލަބުގެ ޔޫސުފް ޒުބެއިރެވެ. 

ސިންގަލްސް އިވެންޓްގެ ފައިނަލް މެޗްތައް ކުޅުމަށް ހަމަޖެހިފައި ވަނީ މިރޭ 20:15 ނެޝަނަލް ބިލިއަރޑް ސެންޓަރގައެވެ.