Ads by Exprox

ޚަބަރު

ހުޅުމާލޭ ކަންނެލި ޕެކިން ފެސިލިޓީގެ މަސައްކަތް މިއަހަރު މެދުތެރޭ ފެށޭނެ: ވަޒީރު ޝިޔާމް

ހުޅުމާލޭ ކަންނެލި ޕެކިން ފެސިލިޓީގެ މަސައްކަތް މިއަހަރު މެދުތެރޭ ފެށޭނެ: ވަޒީރު ޝިޔާމް

ވަޒީރު އަޙްމަދު ޝިޔާމް ފޮޓޯ:އެޑިޝަން

އާމިނަތު ޔުމްނާ

އާމިނަތު ޔުމްނާ

11 ފެބްރުއަރީ 2025، 10:13

11 ފެބްރުއަރީ 2025، 10:13

ހުޅުމާލޭގައި އަޅަން ނިންމާފައިވާ ކަންނެލި ޕެކިން ފެސިލިޓީގެ މަސައްކަތް މިއަހަރުގެ މެދުތެރޭގައި ފެށޭނެކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ. ވަޒީރު މިހެން ވިދާޅުވީ، ރައްޔިތުންގެ މަޖިލީހުގެ ޖަލްސާގައި ގަލޮޅު ދެކުނު ދާއިރާގެ މެންބަރު މުޙައްމަދު އިބްރާހިމް ކުރެއްވި ސުވާލަކަށް ޖަވާބުދެއްވަމުންނެވެ.

ވަޒީރު ޝިޔާމް ވިދާޅުވިގޮތުގައި، މި ފެސިލިޓީއަށް ބޭނުންވާ ފައިސާ މިހާރު އިސްލާމިކް ޑެވެލޮޕްމަންޓް ބޭންކް (އައިއެސްޑީބީ) އިން ހަމަޖެހިފައިވެއެވެ. އަދި ކުރިއަށްއޮތް ދެ މަސްދުވަހުގެ ތެރޭގައި ފެސިލިޓީ އަޅާނެ ފަރާތެއް ހޯދުމަށް އިޢުލާންކުރެވޭނެ ކަމަށާއި، މިއަހަރުގެ މެދުތެރޭގައި މަސައްކަތް ފެށިގެންދާނެ ކަމަށް ވަޒީރު ވިދާޅުވިއެވެ.

އިރާދަކުރެއްވިއްޔާ ކުރިއަށްއޮތް ދެ މަހެއްގެ ތެރޭގައި އަޅުގަނޑުމެން އިޢުލާންކުރާނަން. އިޢުލާންކޮށް މަސައްކަތް އަޅުގަނޑުމެން މި އަންދާޒާކުރަނީ މިއަހަރުގެ މެދުތެރޭގައި މަސައްކަތް ފެށިގެންދާނެކަމަށް. މިއީ އެހާ ބޮޑު ފެސިލިޓީއަކަށް ނުވާތީވެ އަޅުގަނޑުމެން މި އަންދާޒާކުރަނީ މިއަންނަ އަހަރުގެ މެދުތެރެއަށް މި މަސައްކަތް ނިންމާލެވޭނެކަމަށް.

ވަޒީރު

ވަޒީރު ޝިޔާމް އިތުރަށް ވިދާޅުވީ، ބޮޑުކަންނެލީގެ މަސްވެރިކަން ކުރާ ފަރާތްތަކުގެ މައިގަނޑު ދެ ކަންބޮޑުވުމަކީ ތެޔޮ އެސްޓީއޯގެ ރޭޓުން ނުލިބުމާއި، ޕެކް ކުރާނެ ފެސިލިޓީއެއް ނެތުން ކަމަށެވެ. ނަމަވެސް މިދިޔަ އަހަރުގެ ޖުލައި މަހުގައި އެސްޓީއޯގެ ރޭޓުން ކަންނެލި މަސްވެރިންނަށް ތެޔޮ ލިބޭނެގޮތް ހަމަޖެހިފައިވާ ކަމަށާއި، މި އަލަށް އަޅާ ފެސިލިޓީ ނިމުމުން ދެވަނަ ކަންބޮޑުވުމަށްވެސް ހައްލު ލިބިގެންދާނެ ކަމަށް ވަޒީރު ފާހަގަކުރެއްވިއެވެ.

މި ފެސިލިޓީ ނިމުމުން، ކުދި ޕެކްކުރާ ފަރާތްތަކަށް ފުރުސަތު ލިބި، މިހާރު ކަންނެލި މަސްވެރިންގެ އަތުން އަމިއްލަ ކުންފުނިތަކުން މަސް ގަންނަ އަގަށްވުރެ ރަނގަޅު އަގެއްގައި ކަންނެލި މަސް ގަނެވޭނެ ކަމަށް މަސްވެރިން ގަބޫލުކުރާ ކަމަށްވެސް ވަޒީރު ވިދާޅުވިއެވެ. މިއާއެކު، މީގެކުރިން އެއްވެސް ސަރުކާރަކުން ކަންނެލި މަސްވެރިންނަށް ފަހި ނުކޮށްދެވޭހާ ފަހި މާހައުލެއް ޤާއިމްވެގެންދާނެ ކަމަށް ވަޒީރު އަޙްމަދު ޝިޔާމް ވިދާޅުވިއެވެ.




                    


                    

މި ލިޔުން ކިޔާލުމުން

Ads by MSS