ޖާނުންފިދާވުމުގެ ހަމަލާއެއްގައި 5 މީހުން މަރުވެއްޖެ

އަފްޣާނިސްތާނުގެ އުތުރުގައި އޮންނަ ކުންދުޒު ސިޓީގައި މިއަދު ދިން ޖާޏުން ފިދާވުމުގެ ހަމަލާއެއްގައި 5 މީހުން މަރުވެ، 7 މީހުން ޒަޚަމްވެއްޖެއެވެ. މި ހަމަލާ އަމާޒުކޮށްފައިވަނީ ބޭންކަކުން މުސާރަ ނަގަން ކިއުގައި ތިބި މީހުންނަށެވެ.

ކުންދުޒު ޕްރޮވިންސްގެ ފުލުހުންގެ ތަރުޖަމާނު ޖުމަދީން ޚަކްސަރު ވިދާޅުވި ގޮތުގައި މި ހަމަލާ ދިނީ ޖާނުންފިދާވުމުގެ ހަމަަލާދޭ މީހެެކެވެ. މަރުވި މީހުންގެ ތެރޭގައި އާންމު ރައްޔިތުންނާއި، ސިވިލް ސަރވިސްގެ މުވައްޒަފުންނާއި، ޠާލިބާނުގެ ސެކިއުރިޓީ ބާރުތަކުގެ މެންބަރުން ހިމެނެއެވެ.

ކުންދުޒު ޕްރޮވިންސްގެ ފުލުހުންގެ ކޮމާންޑުން މިހާރު ވަނީ މި ހާދިސާގެ ފަހަތުގައިވާ ފަރާތްތައް ހޯދައި، އިންސާފުގެ ކުރިމައްޗަށް ގެނައުމަށް ކަމާބެހޭ އިދާރާތަކާއެކު މަސައްކަތް ފަށާފަ

ޖުމަދީން ޚަކްސަރު

މި ހަމަލާއަކީ އަފްޣާނިސްތާނުގައި ފަހަކަށް އައިސް ހިނގަމުންދާ އަނިޔާވެރި ހަމަލާތަކުގެ ތެރެއިން އެންމެ ފަހުގެ ހަމަލާއެވެ. ޠާލިބާނުން ވެރިކަން ހިފުމަށްފަހު ޤައުމުގެ ސަލާމަތާއި ރައްކާތެރިކަން ކަށަވަރުކުރުމަށް ގިނަގުނަ ގޮންޖެހުންތަކާ ކުރިމަތިލާންޖެހިފައިވެއެވެ.