އިފާޑުގެ ގަވަރނިންގް ކައުންސިލް މީޓިންގައި ވަޒީރު ޑރ.މާރިޔާ ބައިވެރިވެވަޑައިގެންފި

އިންޓަރނޭޝަނަލް ފަންޑު ފޮރ އެގްރިކަލްޗަރަލް ޑިވެލޮޕްމަންޓް، އިފާޑްގެ 48 ވަނަ ގަވަރނިންގް ކައުންސިލް މީޓިންގައި ބައިވެރިވެވަޑައިގެންނެވުމަށް ދަނޑުވެރިކަމާއި ދިރޭތަކެއްޗާއި ބެހޭ ވަޒީރު ޑރ. މަރިޔަމް މާރިއާ އިޓަލީއަށް ފުރާވަޑައިގެންފިއެވެ.

މި ބައްދަލުވުމަކީ އިޓަލީގެ ރޯމުގައި، މި މަހުގެ 12 އިން 13 އަށް ބޭއްވުމަށް ހަމަޖެހިފައިވާ ބައްދަލުވުމެކެވެ. ޖަޒީރާ ޤައުމުތަކުގެ ދަނޑުވެރިކަމަށް ޚާއްސަ ސަމާލުކަމެއްދީގެން ކުރިއަށްގެންދާ މި ބައްދަލުވުމުގައި މި ފަދަޤައުމުތަކަށް ދަނޑުވެރިކަމުގެ ސިނާޢާތް ކުރިއަށް ގެންދިޔުމަށް ހުރި ގޮންޖެހުންތަކާއި، ޚަރުދަނާ ގޮތެއްގައި މި ގޮންޖެހުނަތަކަށް ހައްލުހޯދާނެ މަގުތަކާ ގުޅޭގޮތުން މަޝްވަރާކުރެވިފައިވެއެވެ. 

އެކި ޤައުމުތަކުގެ ވަޒީރުންނާއި، ސްޓޭޓުންގެ އިތުރުން ދަނޑުވެރިންނާއި ދަނޑުވެރިކަމުގެ ސިނާޢަތުގައި ތަޖުރިބާކާރު މީހުން މި ބައްދަލުވުމުގައި ބައިވެރިވެވަޑައިގެން، ތަޖުރިބާތައް ހިއްސާކުރައްވާ، މަޝްވަރާގައި ބައިވެރިވެވަޑައިގަނެފައިވެއެވެ. 

މިފަދަ ބައްދަލުވުންތަކުން، ރާއްޖޭގެ ދަނޑުވެރިކަމުގެ ސިނާއަތާއި، ކާނާގެ ރައްކާތެރިކަން ކަށަވަރުކުރުމަށް ބޭނުންވާ ފަންނީ ލަފަޔާއި އިރުޝާދު ލިބި، އެ އިރުޝާދުގެ އަލީގައި ރާއްޖޭގެ ދަނޑުވެރިކަމުގެ ސިނާޢަތް އިތުރަށް ކުރިއެރުވޭނެ.

ދަނޑުވެރިކަމާއި ދިރޭތަކެއްޗާއި ބެހޭ ވުޒާރާއިން ވިދާޅުވެއެވެ.