ދުނިޔެ
ޔޫކޭގެ ކޮމަންވެލްތު އޮފީހުގެ "ޗީފް މައުސަރ" މަޤާމުގަ ހުރި ބުޅަލަށް ބަރމިއުޑަރއިން ވަޒީފާދީފި
ޕަލްމަސްޓަން ފޮޓޯ:އިންޓަނެޓް
ލަންޑަނުގައި ހުންނަ ޔޫކޭގެ ފޮރިން ކޮމަންވެލްތު އޮފީހުގެ "ޗީފް މައުސަރ" އެއްގެ ގޮތުގައި މަސައްކަތްކޮށްފައިވާ ޕަލްމަސްޓަން ނަމަކަށް ކިޔާ ބޮޑު ބުޅަލެއް، މަދު އަހަރުތަކެއްގެ މުއްދަތަށް މުސްކުޅިކުރުމަށްފަހު އަލުން ވަޒީފާއަށް ނުކުތުމަށް ނިންމައިފިއެވެ. މި ފަހަރު މިބުޅާ މަސައްކަތް ކުރާނީ ބަރމިއުޑާގައެވެ.
ޕަލްމަސްޓަންއަކީ ކުރިން ސަލާމަތް ކުރެވުނު ބުޅަލެކެވެ. އެބުޅާ 2016 ވަނަ އަހަރު ޑިޕްލޮމެޓިކް ސަރވިސްއާ ގުޅުނެވެ. އަދި އެބުޅަލުގެ ލޯބިކަމާއި، ވަރަށް ފޯރިއާއެކު މަސައްކަތް ކުރާ މަންޒަރު ފެނުމާއެކު، ގިނަ ބަޔަކު އެބުޅަލަށް ތާއީދު ކުރަން ފެށިއެވެ.
Diplomacy and a purr-fect role have lured me out of retirement. I’ve just started work as feline relations consultant (semi-retired) to the new Governor of Bermuda. I’ve been busy meeting very welcoming Bermudians @TheRoyalGazette @FCDOGovUK pic.twitter.com/v8BM548P2l
— Palmerston (@DiploMog) February 4, 2025
2020 ވަނަ އަހަރު މުސްކުޅި ކުރެވުނު ފަހުން، ޕަލްމަސްޓަން ދިރިއުޅެމުން އައީ އޭނާގެ ކުރީގެ އެކުވެރިއެއް ކަމުގައިވާ އެންޑްރޫ މަރޑޮކްގެ އާއިލާއާ އެކުގައެވެ. އަދި އުފާވެރި ދިރިއުޅުމެއް އުޅެމުންދާ ވާހަކަ މަދުމަދުން އޮންލައިންކޮށް ހިއްސާ ކުރަމުން އައެވެ.
ފަހުން ބަރމިއުޑާގެ އައު ގަވަރނަރުގެ ގޮތުގައި ހުވާކުރި މަރޑޮކް ވަނީ ޕަލްމަސްޓަން އަލުން ވަޒީފާއަށް ނެރުމަށް ގަބޫލުކުރުވާފައެވެ. އަދި އޭނާގެ އިދާރާގައި "ފިލައިން ރިލޭޝަންސް ކޮންސަލްޓަންޓް" އެއްގެ ގޮތުގައި މަސައްކަތް ކުރުމަށް ހަމަޖައްސާފައެވެ.
ސަރުކާރުގެ މަޤާމެއްގައި މަސައްކަތްކުރާ ހަމައެކަނި ބްރިޓިޝް ބުޅަލަކީ ޕަލްމަސްޓަންއެއް ނޫނެވެ. ބްރިޓަންގެ ބޮޑުވަޒީރުގެ ގެ ކަމުގައިވާ ނަންބަރު 10 ޑައުނިންގ ސްޓްރީޓްގެ "ޗީފް މައުސަރ" އެއްގެ ގޮތުގައި ލެރީ ދަ ކެޓް މަސައްކަތް ކުރަމުންދެއެވެ. 18 އަހަރުގެ މި ޓެބީ ބުޅާ ވެސް ވަނީ ރެސްކިއު ކުރެވިފައެވެ. އަދި 6 ބޮޑުވަޒީރުންގެ ދައުރުގައި، ޖުމްލަ 14 އަހަރު ވަންދެން މި މަޤާމުގައި މަސައްކަތް ކޮށްފައިވެއެވެ.
މި ދެ ބުޅާގެ ދެމެދުގައި ވާދަވެރިކަން އޮތް ކަމަށް ބެލެވެއެވެ. އަދި ބައެއް ފަހަރު އެކަން ހާމަވެގެން ގޮސްފައިވާ ކަމަށް ވެސް ބުނެވެއެވެ. ނަމަވެސް، ޤައުމަށް ޚިދުމަތް ކުރުމުގެ ރޫހާއި، އަވިން ހޫނުވުމަށް ލޯބިކުރާ ކަމުގެ ސަބަބުން މި ދެ ބުޅާ އެއްބައިވަންތަ ވެފައިވާ ކަމަށް ބެލެވެއެވެ.
