ކުޅިވަރު

ވޮލީބޯޅާ އެސޯސިއޭޝަނުގެ އިންތިހާބު ބާއްވައިފި

ވޮލީބޯޅާ އެސޯސިއޭޝަނުގެ އިންތިހާބު ބާއްވައިފި

ވީއޭއެމްގެ އައު އެކްސްކޯ---

މިފްތާޙް މުޙައްމަދު

މިފްތާޙް މުޙައްމަދު

13 ފެބްރުއަރީ 2025، 11:13

13 ފެބްރުއަރީ 2025، 11:13

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ އިންތިހާބު ރޭ ބާއްވައިފިއެވެ.

މި އިންތިހާބުގައި އެ އެސޯސިއޭޝަނުގެ ރައީސަކަށް ހޮވުނީ މުޙައްމަދު ލަތީފެވެ. އަދި ލަތީފު ފިޔަވާ އެހެން ބޭފުޅަކު މި މަޤާމަށް ވާދަކުރައްވާފައެއް ވެސް ނުވެއެވެ.

ވީއޭމްގެ ރައީސްގެ މަޤާމު އޮތީ މިދިޔަ އަހަރުގެ ފެބުރުއަރީ މަހުން ފެށިގެން ހުސްކޮށެވެ. އެއީ ކުރިން މި މަޤާމުގައި ހުރި ރަނޭޝް އިސްތިއުފާދިނުމާ ގުޅިގެންނެވެ. 

ނަމަވެސް އޭރު އޮތް އެކްސްކޯގެ ދައުރު ހަމަވުމާ ހަމައަށް، ރައިސްގެ މަޤާމު އޮތީ ހުސްކޮށެވެ. އެހެންކަމުން ރޭ އޮތް އިންތިހާބުގައި ވަނީ އާ ދައުރަކަށް އެކްސްކޯގެ ހުރިހާ މަޤާމުތަކަކަށް މީހުން އިންތިހާބުކޮށްފައެވެ.

އެ އެސޯސިއޭޝަނުގެ އެގްޒެގެޓިވް ކޮމިޓީ ފިޔަވާ އެހެން ހުރިހާ މަގާމުތަކަށް ކުރިމަތިލާފައިވަނީ އެކަކެވެ. އެހެންކަމުން ޤަވާއިދުގައިވާ ގޮތުގެ މަތިން، އެކަކު ކުރިމަތިލި މަޤާމުތަކަށް އިންތިހާބަކާ ނުލައި އެ ފަރާތްތައް ވަނީ ހޮވިފައެވެ.

 

ވީއޭއެމްގެ އާ ދައުރުގެ އެގްޒެކެޓިވް ކޮމިޓީ:

  • ރައީސް: މުޙައްމަދު ލަތީފް
  • ސީނިއަރ ނައިބު ރައީސް: މުޙައްމަދު ސާޖިދު
  • ނައިބު ރައީސް ވޮލީބޯލް: އަލީ ލަތީފް
  • ނައިބު ރައީސް އިދާރީ: އިއްޒަތު ވަހީދު
  • ނައިބު ރައީސް އަންހެން: އާއިދާ އަބްދުލް ހަކީމް
  • ހިންގާ ކޮމިޓީ މެންބަރު: ފަތުހުﷲ ވަހީދު
  • ހިންގާ ކޮމިޓީ މެންބަރު: ސޮފްވާން އަޙްމަދު
  • ހިންގާ ކޮމިޓީ މެންބަރު: ޝިޔާމް އަލީ
  • ހިންގާ ކޮމިޓީ މެންބަރު/އަންހެން: އައިޝަތު ފަތީނަތު

 

ރޭ އޮތް އިންތިހާބުގައި އެސޯސިއޭޝަންގެ މެންބަރު 13 ކްލަބުގެ ތެރެއިން 11 ކްލަބެއް ވަނީ ބައިވެރިވެފައެވެ. 

ވީއޭއެމުން ވަނީ އައު ލީޑަޝިޕާއެކު މި އަހަރު ގިނަ ހަރަކާތްތަކެއް ރާވާފައެވެ. އެގޮތުން ބައިނަލްއަޤްވާމީ މުބާރާތްތަކާއި ލޯކަލް މުބާރާތްތަކުގެ އިތުރުން ޓެކްނިކަލް އޮފިޝަލުން ތަމްރީނުކުރުމުގެ ޕްރޮގްރާމުތައް ހިމެނެއެވެ.

 

މި ލިޔުން ކިޔާލުމުން

Ads by MSS