ކިނޮޅަހުގެ ގޮނޑުދޮށް ހިމާޔަތްކުރުމުގެ މަޝްރޫޢު ނިންމާލައިފި

ރ އަތޮޅު ކިނޮޅަހުގެ ގޮނޑުދޮށް ހިމާޔާތްކުރުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ، އެމްޓީސީސީން ކުރިޔަށް ގެންދިޔަ މަޝްރޫޢު ނިންމާލައިފިއެވެ. 

މި މަޝްރޫޢުގެ ތެރޭގައި، ގޮނޑުދޮށް ހިމާޔަތް ކުރެވުނު ސަރަޙައްދުން 19,789  ކިއުބިކް މީޓަރުގެ ބިން ހިއްކުން ވެސް ހިމެނޭކަމަށް އެމްޓީސީސީން ހާމަކޮށްފައިވެއެވެ. 

އަދި މި މަޝްރޫޢުގެ ފަހުކަމެއްގެ ގޮތުގައި ހިމެނުނީ، 650  މީޓަރުގެ ޖިއޯބޭގް ރިވެޓްމެންޓެއް އެ ރަށުގެ ގޮނޑުދޮށުގައި ޖެހުމެވެ.

މި މަސައްކަތް އެމްޓީސީއާއި ހަވާލުކޮށްފައިވަނީ 2023 އެޕްރީލް 18ވަނަ ދުވަހެވެ. އަދި މަސައްކަތް ފެށުމަށް އެމްޓީސީސީގެ ޓީމް އެ ރަށަށް މޮބިލައިޒްކޮށްފައިވަނީ 23 އޮގަސްޓް 30ވަނަ ދުވަހެވެ.