މާރާމާރީތައް ހިންގާކަމަށް ތުހުމަތުކުރެވޭ މީހަކު އެއާރޕޯރޓުން ހިފަހައްޓައިފި

މާލޭގައި މިފަހުން ހިނގައިދިޔަ ގިނަ މާރާމާރީތަކެއްގައި ބައިވެރިވެފައިވާކަމަށް ތުހުމަތުކުރެވޭ މީހަކު ފިލައިގެން މެލޭޝިޔާއަށް ދިޔުމުން، ރާއްޖެގެނެސް ހައްޔަރުކޮށްފިއެވެ. 

މި މައްސަލައިގައި ހައްޔަރުކޮށްފައި ވަނީ، މަރުތޭލަކުން މީހަކު ގައިގައި މަރުތޭލަކުން ޖެހި މައްސަލައިގައި ތުހުމަތުކުރެވޭ ޏ. ފުވައްމުލަކު، ދިގުވާޑު، ބަނަފްސާގެ، ހުސައިން ޢަރީޝް (31އ) އެވެ. އޭނާ އަކީ، މަސްތުވާތަކެއްޗާއި، ތޫނު ހަތިޔާރު ބޭނުން ކުރުމާއި މާރާމާރީ ހިންގުމާއި މަސްތުވާތަކެތި ބޭނުންކުރުމުގެ ރިކޯޑް އޮންނަ މީހެކެވެ.

ފުލުހުން ބުނި ގޮތުގައި، މި ފަރާތް ފުލުހުންގެ ބެލުމުގެ ދަށަށް ގެނެސްފައިވަނީ ހައްޔަރު ކުރުމަށް ކޯޓު އަމުރެއް ނަގާފައިވަނިކޮށް، މެލޭޝިޔާއަށް ފުރައިގެން ދިއުމުންނެވެ. އެގޮތުން، މެލޭޝިޔާއަށް އޭނާ ވަނުން ހުއްޓުވައި، އެހެން ފްލައިޓެއްގައި ރާއްޖެ ގެނައުމަށްފަހު ވެލާނާ އިންޓަރނޭޝަނަލް އެއަރޕޯޓުން ފުލުހުންގެ ބެލުމުގެ ދަށަށް ގެނެވުނު ކަމަށް ބުންޏެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.