Ads by Exprox

ޚަބަރު

ދަޢުލަތުގެ ބެލުމުގެ ދަށުން މުޖުތަމައަށް ނެރޭ ކުދިންގެ ޝައުގުވެރިކަމަށް ބަލައިގެން ހުނަރު އިތުރުކުރަނީ

ދަޢުލަތުގެ ބެލުމުގެ ދަށުން މުޖުތަމައަށް ނެރޭ ކުދިންގެ ޝައުގުވެރިކަމަށް ބަލައިގެން ހުނަރު އިތުރުކުރަނީ

ޕްރެސް ކޮންފަރެންސްގައި ވަޒީރު ޑރ. ޢާއިޝަތު ޝިހާމް---

މިފްތާޙް މުޙައްމަދު

މިފްތާޙް މުޙައްމަދު

13 ފެބްރުއަރީ 2025، 02:23

13 ފެބްރުއަރީ 2025، 02:23

ދަޢުލަތުގެ ބެލުމުގެ ދަށުގައި ތިބެ ބޮޑެތިވާކުދިން މުޖުތަމައަށް ނެރުމަށް ވަކިވަކި ކުދިންގެ ޝައުގުވެރިކަމަށް ބަލައިގެން މަސައްކަތްކުރަން ފަށާފައިވާކަމަށް، އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ވިދާޅުވެއްޖެއެވެ.

މިއަދު އޮތް ނޫސްވެރިންގެ ބައްދަލުވުމުގައި މަޢުލޫމާތު ދެއްވަމުން ވަޒީރު ވިދާޅުވީ، ދަޢުލަތުގެ ބެލެމުގެ ދަށުގައި ތިބޭ ކުދިންގެ ކަންކަން ރަގަޅަށް ބެލެހެއްޓުމުގެ ގޮތުން، އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގައި "ސްޓޭޓް ކެއާރ"ގެ ނަމުގައި ވަކި ޑިޕާޓްމެންޓެއް މިހާރު އުފައްދާފައިވާކަމަށާއި، މި ޑިޕާޓްމެންޓުން އަތޮޅު ތެރޭގައި ހުރި ސެންޓަރުތަކާ ގުޅިގެން، އެ ކުދިންގެ ކަންކަން ބެލެހެއްޓުމަށް ވަރަށް ގާތުން މަސައްކަތްކުރަމުން އަންނަ ކަމަށެވެ.

އެގޮތުން، އަތޮޅުތެރޭގައި ދަޢުލަތުގެ ބެލުމުގެ ދަށުގައި ތިބި ކުދިން މިހާރު ތިބީ އެކިއެކި ގިންތިތަކަށް ވަކިކޮށްފައިކަމަށާއި، މި ކަމުގެ ސަބަބުން މަސައްކަތްތައް ކުރިޔަށް ގެންދިއުމަށް ފަސޭހަވެގެންދާނެކަމަށް ވިދާޅުވިއެވެ.

ވަޒީރު ވިދާޅުވީ، އެ ވުޒާރާއިން މިހާރު އެންމެ ބޮޑު އިސްކަމެއް ދެއްވަނީ، ދަޢުލަތުގެ ބެލުމުގެ ދަށުގައި ތިބުމަށްފަހު މުޖުތަމަޢަށް ނިކުންނަ ކުދިން އަމިއްލަ ފައިމައްޗަށް ތެދުވެވޭ ބަޔަކަށް ހެދުމަށް ކަމަށެވެ. އެހެންކަމުން ވަކިވަކި ކުދިންގެ ޝައުޤުވެރިކަން ބަލާ، އެ ކުދިންނަށް ބޭނުންވާ ތަފާތު ތަމްރީނުތައް ފޯރު ކޮށްދެމުން އަންނަކަން ފާހަގަކުރެއްވެވިއެވެ.

ދަޢުލަތުގެ ބެލުމުގެ ދަށުގައި ތިބުމަށްފަހު އެ ސެންޓަރުތަކުން ނިކުމެ އަމިއްލަ ފައިމައްޗަށް ތެދުވެވޭ ބަޔަކަށް ހެދުމަށްޓަކައި ކުދިންނާއެކު ވަކިވަކިން ވަރަށް ބައިވަރު މަސައްކަތްތަކެއް އެބަކުރެވޭ. އޭގެ ތެރޭގައި ކުދިން ސްކޫލް ނިމެންވާއިރަށް އެ ކުދިންނަށް ބޭނުންވާ ތަމްރީނުތައްދީ، ވަޒީފާތަކާ އެ ކުދިން ގުޅުވުމުގެ މަސައްކަތްތައް ކުރެވޭ.

ވަޒީރު ޑރ. ޢާއިޝަތު ޝިހާމް ވިދާޅުވިއެވެ.

އެގޮތުން މި ވަގުތު ވުޒާރާގެ ބެލުމުގެ ދަށުގައި ހުރި ހުރިހާ ސެންޓަރުތަކެއްގައި ގްރޭޑު 10 ނިންމާފަ ތިބިކުދިންނާއި، މި އަހަރުގެ ތެރޭގައި ގްރޭޑު 10 ނިމެން ތިބި ކުދިންނާއެކު ޖުމްލަ 24 ކުދިން ތިބިކަމަށާއި، އެ ކުދިން މުޖުތަމަޢަށް ނެރުމަށް މިހާރު ތައްޔާރުވަމުން އަންނަކަމަށް ވަޒީރު ވިދާޅުވިއެވެ.  

މި ކުދިންނާއެކު މިހާރު ކުރެވެމުންދާ މަސައްކަތަކީ، އެ ކުދިން ޝަޢުގުވެރިވާ ދާއިރާތައް ހޯދާފައި، ރާއްޖޭގެ އެއްވެސް ހިސާބެއްގައި އެ ދާއިރާއަށް ބޭނުންވާ ތަމްރީނު ދެވޭކަމުގައިވާނަމަ، އެ ތަމްރީނުތަކަށް އެ ކުދިން ގެންގޮސް، އެއަށްފަހު އެ ކުދިން ދެން މަސައްކަތްކުރާނެ ތަންތަން ކަނޑައެޅުން. 

ވަޒީރު ވިދާޅުވިއެވެ.

މި ޕްރެސްކޮންފަރެންސްގައި ވަޒީރުވަނީ، ޑައިވްކުރަން ބޭނުންވާ ކުއްޖަކު ތަމްރީނުކުރުމަށް ކުރެވުނު ކަންކަމާއި، އެ ކުއްޖާ ބޭނުންވާ ދާއިރާއަށް ނިކުތުމަށް ފަހިވެގެން ދިޔަ ފުރުސަތު ޙިއްސާ ކުރައްވާފައެވެ. 

ހުނަރުތަކުގެ އިތުރުން، އެ ކުދިންގެ ދިރިއުޅުމަށް ބޭނުންވާ ޑިސިޕްލިން އަށަގެންނެވުމަށް ވެސް މަސައްކަތްކުރައްވާކަމަށް ވަޒީރު ވަނީ ވިދާޅުވެފައެވެ.

މި ލިޔުން ކިޔާލުމުން

Ads by MSS