ފާއިތުވި 15 މަސް ތެރޭން އިއްޔެއަކީ އެންމެ ގިނަ މަސް ކިރި ދުވަސް

މިވޭތުވެދިޔަ 15 މަސް ތެރޭ އެންމެ ގިނަ އަދަދަކަށް މިފްކޯއަށް މަސް ކިރުވާފައިވަނީ މިމަހުގެ 12 ވަނަ ދުވަހު ކަމަށް މިފްކޯއިން ވިދާޅުވެއްޖެއެވެ.

ފްކޯގެ ބަނދަރުތަކުގައި މި ދުވަސްވަރު މަސް ކިރުވުމަށް ދޯނިތަކުން ވަނީ ކިއު ހަދާފައެވެ. މިއާއެކު ބުދަދަވަހަކީ 2023 ވަނަ އަހަރުގެ ނޮވެމްބަރު މަހުން ފެށިގެން މިހާތަނަށް މިފްކޯއަށް އެންމެ ގިނައިން މަސްކިރުވި ދުވަސް ކަމަށް އެކުންފުނިން ވަނީ ހާމަކޮށްފެވެ. ބުދަ ދުވަހު މިފްކޯއަށް ވަނީ 546 ޓަނުގެ މަސް ކިރުވާފައެވެ. 

މަސްވެރިކަން ރަނގަޅު ދުވަސްކޮޅެއްކަމުން، މިފްކޯގެ ފެސިލިޓީތަކުގައި މިހާރު ވަނީ ކިއުޖެހިފައި ނަމަވެސް، މި ހަފްތާ ބަނދުގައި ކިއު ހުސްކުރެވޭނެ ކަމަށް މަސްވެރިކަމާ ބެހޭ ވަޒީރު ވަނީ ވިދާޅުވެފައެވެ.

މި އަހަރަކީ މަސްވެރިން ކިއުގައި ޖެހިގެން މަސްކިރަންޖެހޭ އެންމެ ފަހު އަހަރުކަމުގައި މަސްވެރިކަމާ ބެހޭ ވަޒީރު އަހުމަދު ޝިޔާމް ވިދާޅުވެފައިވާއިރު، ކުރިއަށް އޮތް ތިން އަހަރުގެ ތެރޭގައި މަސްވެރިކަމުގެ ސިނާޢަތުގައި މިވަގުތު ހުރި ހުރިހާ ގޮންޖެހުންތައް ހައްލުކުރުމަކީ ސަރުކާރުގެ އަމާޒުކަމަށް މިވަނީ ހައްދަވާފައެވެ. އެގޮތުން މަސްވެރިކަމުގެ ކެޕޭސިޓީ އިތުރުކުރުމުގެ މަޝްރޫޢުތައް ރާއްޖޭގެ އެކި ސަރަހައްދުތަކުގައި ދަނީ ކުރިއަށް ގެންދަމުންނެވެ.