ކުޅިވަރު

ބިލިއާޑް މުބާރާތުގެ އިންޓަރ އޮފީސް ޓީމު އިވެންޓުގެ މެޗުތައް ފަށައިފި

ބިލިއާޑް މުބާރާތުގެ އިންޓަރ އޮފީސް ޓީމު އިވެންޓުގެ މެޗުތައް ފަށައިފި

ބިލިއާރޑް މުބާރާތް/ ފޮޓޯ: މޯލްޑިވްސް ބިލިއާޑް ޕޫލް އެސޯސިއޭޝަން

13 ފެބްރުއަރީ 2025، 06:02

މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ) އިން އިންތިޒާމުކޮށްގެން ބާއްވާ 12 ވަނަ އިންޓަރ އޮފީސް ބިލިއާޑް ޗެމްޕިއަންޝިޕް 2025ގެ ޓީމް އިވެންޓްތައް ފަށައިފިއެވެ.

13 ޓީމެއް ބައިވެރިވާގޮތަށް އެހެން އަހަރުތަކެކޭ އެއްފަދައިން މިއަހަރު ވެސް، މާލޭ ބިލިއާޑް ހޯލްގައި ވަރަށް ފޯރިއާއެކު ޓީމު އިވެންޓުތައް ކުޅެންފެށައިފިއެވެ. ގިނަ އަދަދެއްގެ ކުޅުންތެރިން މި އަހަރުގެ ވެސް ޓީމު ބުރުގައި ވާދަކުރަމުން ދާނެއެވެ. 

2 ޑިވިޝަނަކަށް މި މުބާރާތް ބަހާލެވިފައިވާއިރު، ފުރަތަމަ ޑިވިޝަނުގައި 27 ކުޅުންތެރިން އަދި ދެވަނަ ޑިވިޝަނުގައި 83 ކުޅުންތެރިން ވާދަކުރެއެވެ. 

މި މުބާރާތުގައި އެންމެ ފުރަތަމަ ކުޅުނީ ސިންގަލްސް އިވެންޓްގެ މެޗުތަކެވެ. މި ބުރު ކުރިއަށްދިޔައީ ސިންގަލް އެލިމިނޭޝަން ނޮކް އައުޓް އުސޫލުންނެވެ. ޓީމު އިވެންޓްގެ މެޗުތައް ފަށާނީ މިމަހުގެ 12 ވަނަ ދުވަހުއެވެ. ޓީމް އިވެންޓްގެ ފައިނަލް މެޗް ތާވަލްކޮށްފައިވަނީ މިމަހުގެ 20 ވަނަ ދުވަހަށެވެ.

 2024ވަނަ އަހަރު ބޭއްވި މުބާރާތުގެ ފިރިހެން ޓީމު އިވެންޓުގެ ޗެމްޕިއަނުންނަކީ އެމްޕީއެލް އެވެ. އަދި އަންހެން ބައިގެ ޗެމްޕިއަންކަން ހޯދީ ކަސްޓަމްސް އެވެ.

މި ލިޔުން ކިޔާލުމުން

Ads by MSS