Ads by Exprox

ޚަބަރު

ޙައްޖާއި ޢުމްރާއަށްދާ މީހުންގެ ސިއްޙީ އެހީތެރިންގެ ދަފްތަރުގައި ރެޖިސްޓަރވުމަށް ހުޅުވާލައިފި

ޙައްޖާއި ޢުމްރާއަށްދާ މީހުންގެ ސިއްޙީ އެހީތެރިންގެ ދަފްތަރުގައި ރެޖިސްޓަރވުމަށް ހުޅުވާލައިފި

ހައްޖު ކޯޕަރޭޝަންގެ އެހީގައި މައްކާއަށް ގޮސްފައިވާ ބައެއް، ފޮޓޯ: ޙައްޖު ކޯޕަރޭޝަން

މިފްތާޙް މުޙައްމަދު

މިފްތާޙް މުޙައްމަދު

14 ފެބްރުއަރީ 2025، 04:59

14 ފެބްރުއަރީ 2025، 04:59

ހުލާސާ

ސިއްޙީ އެހީތެރިންގެ ގޮތުގައި ހަރަކާތްތެރިވުމަށް ހުޅުވާލާފައިވަނީ ޑޮކްޓަރުންނާއި ނަރުހުންނަށް

ޙައްޖު ކޯޕަރޭޝަނުގެ ހަވާލުގައި ޙައްޖާއި ޢުމްރާއަށްދާ މީހުންގެ ސިއްޙީ އެހީތެރިންގެ ދަފްތަރުގައި ރެޖިސްޓަރވުމަށް ހުޅުވާލައިފިއެވެ.

ޙައްޖު ކޯޕަރޭޝަންގެ މެނޭޖިން ޑިރެކްޓަރ މުޙައްމަދު ޝަކީލް ވިދާޅުވީ، މިއީ ޙައްޖު ކޯޕަރޭޝަންގެ ހަވާލުގައި ޙައްޖާއި ޢުމްރާއަށްދާ މީހުންގެ ކަންތައްތައް އިތުރަށް ފުރިހަމަ ކުރުމުގެ ގޮތުން އެކުލަވާލަން ނިންމާފައިވާ ދަފްތަރެއް ކަމަށެވެ.

މި ދަފްތަރު އެކުލަވާލުމާއެކު، ޙައްޖު ކޯޕަރޭޝަންގެ ފަރާތުން ޙައްޖާޖީންނާއި ނުވަތަ ޢުމްރާވެރީންނާއެކު މައްކާއަށްދާނެ ފަރާތްތައް ހޮވާނީ މި ދަފްތަރުގެ ތެރެއިންނެވެ.

ޙައްޖު ކޯޕަރޭޝަނުގެ ސިއްޙީ އެހީތެރިންގެ ގޮތުގައި ހަރަކާތްތެރިވުމަށް ޑޮކްޓަރުންނާއި ނަރުހުން ހިމެނޭހެން ހަ ދާއިރާއަކުން ވަނީ ހުޅުވާލާފައެވެ. އޭގެތެރޭގައި ހިމެނެނީ މެޑިކަލް އޮފިސަރުން، ޖެނެރަލް ޕްރެކްޓިޝަނަރުން، ފިޒިޝަނުން، ކާޑިއޮލޮޖިސްޓުން، ނެފްރޮލޮޖިސްޓުން އަދި ނިއުރޮލޮޖިސްޓުންނެވެ.

މި ދަފްތަރުގައި ރަޖިސްޓްރީވާ ނަރުހުންނާއި ޑޮކްޓަރުންގެ ޒިންމާތަކުގެ ތެރޭގައި ހިމެނެނީ ޙާޖީންނަށް ދިމާވާ ޞިއްޙީ ކަންތައްތައް ބެލުމާއި ފަރުވާދޭންޖެހޭ ބަލިމީހުނަށް ފަރުވާދިނުމެވެ. އަދި ނަރުހުންގެ މަސްއޫލިއްޔަތުތަކުގެ ތެރޭގައި ޑޮކްޓަރުންގެ އިރުޝާދާ އެއްގޮތަށް މަސައްކަތްކުރުން ހިމެނެއެވެ.

މީގެ އިތުރުން، މައްކާއާއި މަދީނާގައި އުޅޭއިރު ސިއްޙީ ކަންކަމުގައި ޙާޖީން ގޮވައިގެން ހޮސްޕިޓަލްތަކަށްގޮސް ކުރަންޖެހޭ ކަންކަން ކުރުން ވެސް ޑޮކްޓަރުންގެ ޒިންމާތަކުގެ ތެރޭގައި ހިމެނެއެވެ. އަދި ދަތުރުގައި ޞިއްޙީ ގޮތުން ފުރިހަމަ ކުރަންޖެހޭ އެންމެހާ ކަންކަން އިންތިޒާމު ކުރުމުގެ މަސައްކަތްތައް ކުރިއަށް ގެންދިއުމަށާއި ދަތުރުގައި ދިމާވާ އެހެނިހެން ކަންކަމުގައި ޙައްޖު ކޯޕަރޭޝަނަށް އެހީތެރިވުމަކީ ވެސް ޑޮކްޓަރުންނާއި ނަރުހުންގެ މަސްޢޫލިޔަތެއްކަމަށް ޙައްޖު ކޯޕަރޭޝަނުން ވިދާޅުވިއެވެ.

ޙައްޖު ކޯޕަރޭޝަނުން ވިދާޅުވީ މި މަޤާމްތަކަށް މީހުން ހޮވުމުގައި ޢަރަބި ބަސް ނުވަތަ އުރުދޫ ބަހުން މުޢާމަލާތްކުރަން އެނގޭ، ޙައްޖު އަދި ޢުމްރާގެ މަސައްކަތުގެ ދާއިރާއިން ތަޖުރިބާ ލިބިފައިވާ ފަރާތްތަކަށް އިސްކަންދެވޭނެކަމަށެވެ.

މި ލިޔުން ކިޔާލުމުން

Ads by MSS