ވިޔަފާރި

ވެލިގާ ހާޑްވެއަރގެ އައު ފިހާރައެއް ހުޅުމާލޭ ފޭސް 2 ގައި ހުޅުވައިފި

ވެލިގާ ހާޑްވެއަރގެ އައު ފިހާރައެއް ހުޅުމާލޭ  ފޭސް 2 ގައި ހުޅުވައިފި

އަލަށް ހުޅުވި ވެލިގާ ހާޑްވެއަރ ފިހާރަ|ފޮޓޯ: ދައުރު

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

14 ފެބްރުއަރީ 2025، 07:35

14 ފެބްރުއަރީ 2025، 07:35

ހުލާސާ

މި މަހުގެ 21 ވަނަ ދުވަހުގެ ނިޔަލަށް ޚާއްޞަ ޕްރޮމޯޝަނެއް ވަނީީ ހުޅުވާލައިފައި

ވެލިގާ ހާޑްވެއަރ ގެ ހަވަނަ ފިހާރަ ހުޅުމާލެ ފޭސް 2 ގައި ހުޅުވައިފިއެވެ. މި ފިހާރަ ހުންނަނީ ވިނަރެސް ޓަވަރ 2 ގައެވެ. 

މި ފިހާރަ ހުޅުވައިދެއްވީ އެ ކުންފުނީގެ ޗެއާމަން މުހައްމަދު އަބޫބަކުރެވެ. ވެލިގާ ހާޑްވެއަރގެ އައު ފިހާރަ ހުޅުވުމުގެ ރަސްމިއްޔާތުގައި ވެލިގާގެ ޕާޓްނަރުންނާއި، ކުންފުނީގެ މުވައްޒަފުން ވަނީ ބައިވެރިވެފައެވެ.

މި ރަސްމިއްޔާތުގައި ވާހަކަ ދައްކަވަމުން ވެލިގާ ހާޑްވެއަރގެ ކޯޕަރޭޓް ސޭލްސް މެނޭޖަރ މިފްޒާން މުޙައްމަދު ވިދާޅުވީ، މި ފިހާރައިން ޚާއްޞަގޮތެއްގައި ލިބެން ހުންނާނީ ސާފުކުރުމަށް ބޭނުންކުރާ ސާމާނުކަމަށެވެ. ހަމަ އެހެންމެ، މި ފިހާރާގައި ފެންވަރު ރަނގަޅު ގިނަ އުފެއްދުންތަކެއް ލިބެން ހުންނާނެކަން އޭނާ ފާހަގަކުރިއެވެ. ވެލިގާ ހާޑްވެއަރއަކީ ކޮންސްޓްރަކްޝަން މަސައްކަތަށް ބޭނުންވާ އެކިބާވަތްތަކުގެ މުދާ ރާއްޖެ އެތެރެކޮށް ވިއްކަމުންދާ ކުންފުންޏެކެވެ. އެގޮތުން، އަލަށް ހުޅުވި ފިހާރައިން ޕަވާ ޓޫލްސް، ހޭންޑް ޓޫލްސް، ކޮންސްޓްރަކްޝަން މެޓީރިއަލްސް، އިލެކްޓްރިކަލް އަދި ޕްލަބިން ސަޕްލައިސް، ކޮންސްޓްރަކްޝަން އިކުއިޕްމަންޓްސް، އެކިވައްތަރުގެ ކުލަ އަދި ހޯމް އިމްޕްރޫވްމަންޓް ސޮލިއުޝަންތައް ގަންނަން ލިބޭނެއެވެ.

ވެލިގާއިން އަލަށް ހުޅުވި ފިހާރާގައި ވަނީ "ވިޒިޓް އެންޑް ވިން" ޕްރޮމޯޝަނެއް ފަށައިފައެވެ. މި ޕްރޮމޯޝަންގެ ދަށުން، މި މަހުގެ 21 ވަނަ ދުވަހުގެ ނިޔަލަށް އެ ފިހާރައިން ވިޔަފާރިކުރާ ކޮންމެ ކަސްޓަމަރަކަށް ލަކީ ޑްރޯއެއް ލިބޭނެ އެވެ. އަދި މީގެ ތެރެއިން، ގުރުއަތުން ހޮވޭ 10 ފަރާތަކަށް އިނާމެއް ދިނުމަށް ވަނީ ހަމަޖެހިފައެވެ. މީގެ އިތުރުން، އެ ފިހާރަ ހުޅުވުން ފާހަގަކުރުމަށްޓަކައި މިއަދު އެ ފިހާރާގައި ވަނީ ޚާއްޞަ ހަރަކާތެއް ކުރިއަށް ގެންގޮސްފައެވެ. އެގޮތުން، މި ހަރަކާތުގެ ދަށުން އެ ފިހާރައިން ލިބެންހުންނަ އުފެއްދުންތަކުގެ މަޢުލޫމާތާއި، އެ އުފެއްދުންތައް ބޭނުންކުރާން ގޮތް ވަނީ ދައްކާލާފައެވެ.

ވެލިގާ ހާޑްވެއަރއަކީ ދިވެހިރާއްޖޭގައި އިމާރާތްކުރުމުގެ ތަކެތި ވިއްކުމަށް 2008 ވަނަ އަހަރު އުފައްދާފައިވާ ކުންފުންޏެކެވެ.

މި ލިޔުން ކިޔާލުމުން

Ads by MSS