ޚަބަރު
ވަޒީރުންގެ އަހާ ފޯރަމް: ހަތަރު ވަނަ ބައި މިރޭ

ވަޒީރުންގެ އަހާ ފޯރަމް/ ފޮޓޯ: ޕީއެސްއެމް
ސަރުކާރުގެ ވުޒާރާތަކުން ކުރަމުންދާ މަސައްކަތްތަކާއި، ހިންގަމުންދާ މަޝްރޫޢުތަކާ ބެހޭ މަޢުލޫމާތު ހިއްސާކޮށް، ރައްޔިތުންގެ ސުވާލުތައް މިނިސްޓަރުން އަޑުއަހައި، ޖަވާބުދާރީވުމަށް ބާއްވާ ވަޒީރުންގެ ފޯރަމް މިރޭ 21:00 ގައި އޮންނާނެއެވެ.
ކުރިން ބާއްވާ ފޯރަމްތަކާ އެއްގޮތަށް މިރޭގެ ފޯރަމުގައި ވެސް 5 ވަޒީރުން ބައިވެރިވެވަޑައިގަތުމަށް ހަމަޖެހިފައިވެއެވެ.
ވަޒީރުންނާއި ތިޔަބޭފުޅުން ކުރައްވަން ބޭނުންފުޅުވާ އެއްވެސް ސުވާލެއް އޮތް ނަމަ ކުރައްވާ!
— Public Service Media (@psm_mkt) February 11, 2025
ޕީއެސްއެމް އެއާ އެޕް އަދި އެސްއެމްއެސް މެދުވެރިކޮށްވެސް ސުވާލު ފޮނުއްވޭނެ.
AH (Space) Suvaalu to 300 pic.twitter.com/PfH87ej4RV
މިރޭގެ ފޯރަމުގައި ބައިވެރިވެވަޑައިގަންނަވާ ވަޒީރުން:
- އިޖްތިމާޢީ އަދި ޢާއިލީ ތަރައްޤީއާ ބެހޭ ވަޒީރު، ޑރ. އައިޝަތު ޝިހާމް
- މަތީ ތަޢުލީމާ މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާގެ ވަޒީރު، ޑރ. ޢަލީ ހައިދަރު އަޙުމަދު
- އިސްލާމީ ކަންތައްތަކާ ބެހޭ ވުޒާރާގެ ވަޒީރު، ޑރ. މުޙައްމަދު ޝަހީމް ޢަލީ ސަޢީދު
- އިޤްތިޞާދީ ތަރައްޤީއާ ބެހޭ ވިޔަފާރިއާ ބެހޭ ވުޒާރާގެ ވަޒީރު، މުޙައްމަދު ސަޢީދު
- ފަތުރުވެރިކަމާ ތިމާވެއްޓާ ބެހޭ ވުޒާރާގެ ވަޒީރު، ޠާރިޤު އިބްރާހިމް
"އަހާ" ފޯރަމްގެ ނަމުގައި ކުރިއަށްގެންދާ ހަރަކާތުގައި ބައިވެރިވެ ސުވާލުކުރުމުގެ ފުރުޞަތު އާންމުންނަށް ވަނީ ހުޅުވައިލައިފައެވެ. އެގޮތުން ފޯރަމް އޮންނަ ތަނަށް ގޮސް ސުވާލުކުރުމާއި، ފޯނުން ގުޅައިގެންނާއި އެސްއެމްއެސްގެ ޒަރިއްޔާއިން އަދި ސޯޝަލް މީޑީއާ މެދުވެރިކޮށް ވެސް ފޯރަމަށް ސުވާލު ފޮނުވޭނެ އިންތިޒާމް ވަނީ ހަމަޖައްސާފައެވެ. ހަމައެހެންމެ، ޕީއެސްއެމް އެއާރ އެޕް މެދުވެރިކޮށް ވެސް މި ފޯރަމުގައި ބައިވެރިވެވަޑައިގަންނަވާ ވަޒީރުންނާ ސުވާލުކުރެވޭނެއެވެ. މި ފޯރަމަށް ސުވާލު ފޮނުވުމަށް އެސް.އެމް.އެސް ކުރައްވާނީ AH ޖައްސެވުމަށްފަހު ހުސްތަންކޮޅެއް ދޫކުރެއްވުމަށްފަހު، ކުރަން ބޭނުންވާ ސުވާލު ލިޔުއްވުމަށްފަހު 300 އަކަށެވެ.
ރައީސުލްޖުމްހޫރިއްޔާގެ އޮފީހާއި، ޕަބްލިކް ސާރވިސް މީޑިއާ، ޕީއެސްއެމް ގުޅިގެން ކުރިއަށްގެންދާ "އަހާ"ގެ ފުރަތަމަ ފޯރަމް ބާއްވާފައިވަނީ މިދިޔަ އަހަރުގެ ޖަނަވަރީ މަހުގެ 25ވަނަ ދުވަހުއެވެ.