މާމިގިލީގައި ޤާސިމް އިބްރާހީމް މިސްކިތެއް ބިނާކޮށްދެއްވައިފި

މާމިގިލީ ދާއިރާގެ މެންބަރު ޤާސިމް އިބްރާހިމް، މާމިގިލީގައި މިސްކިތެއް ބިނާކޮށްދެއްވައިފިއެވެ. 

ޤާސިމް އިބްރާހިމް ބިނާކުރި މި މަސްޖިދަށް މަސްޖިދުއް ޒިކުރާގެ ނަމުން ނަންދީ، މި މިސްކިތް ހުޅުވާފައިވަނީ ހުކުރު ދުވަހުގެ މަޣުރިބު ނަމާދަށެވެ. މިސްކިތް ހުޅުވައިދެއްވީ ޤާސިމް އިބްރާހިމެވެ.

މި މިސްކިތް ބިނާކޮށްފައި ވަނީ ރައްޔިތުންގެ އެދުމުގެ މަތިން ކަމަށާއި، މި މިސްކިތް ބިނާކުރުމަށް ހޭދަވީ 57 ދުވަސްކަމަށް އެރަށު ކައުންސިލުން ވިދާޅުވެފައިވެއެވެ. މި މިސްކިތުގެ ބިންގާ އަޅާފައި ވަނީ، ޑިސެމްބަރުމަހުގެ 14 ވަނަ ދުވަހުކަމަށް ވެސް އެރަށު ކައުންސިލުން މަޢުލޫމާތުދެއްވައެވެ. 

ޤާސިމް އިބްރާހީމްގެ ޚަރަދުގައި މާމިގިލީގައި އިތުރު ދެ މިސްކިތެއް ބިނާކުރެއްވުމުގެ މަސައްކަތް މިހާރުވެސް ކުރިއަށްދާއިރު، އަރިއަތޮޅުގެ އެކި ރަށްރަށުގެ މިސްކިތްތައް ބިނާ ކުރުމަށާއި މަރާމާތުކުރުމަށް ޤާސިމް އިބްރާހީމް ގެންދަވަނީ އެހީތެރިކަން ފޯރުކޮށްދެއްވަމުންނެވެ. ޤާސިމް އިބްރާހީމް ވަނީ އއ. ތޮއްޑޫގައި ވެސް މިކިތެއް ބިނާކޮށްދެއްވާފައެވެ.