އެންދެރި މަޝްރޫޢުން ބޭސިކް ރޭންޖާރސް ޓްރެއިނިންއެއް ލ. އަތޮޅުގައި

އެންދެރި މަޝްރޫޢުގެ ދަށުން، އެމް.އެން.ޔޫއާ ގުޅިގެން ލ. އަތޮޅުގައި ބާއްވާ ބޭސިކް ރޭންޖަރސް ޓްރެއިނިން ކޯހުގައި ބައިވެރިވުމުގެ ފުރުސަތު ހުޅުވާލައިފިއެވެ. 

އެއް މަސް ދުވަހުގެ މި ތަމްރީނަކީ، ލ. އަތޮޅުގައި ހިމާޔަތްކޮށްފައިވާ ސަރަހައްދުތައް އެންމެ އެކަށޭނަ ގޮތެއްގައި ބެލެހެއްޓުމަށް ބޭނުންވާ މަޢުލޫމާތާއި، ހުނަރު ހުރި ރޭންޖަރުންތަކެއް އުފެއްދުމުގެ މަޤްސަދުގައި ކުރިއަށްގެންދާ ޕްރޮގުރާމެކެވެ. 

މި ކޯހަށް ހޮވޭ ފަރާތްތަކަށް އެލަވަންސެއްގެ ގޮތުގައި 4،500 ރުފިޔާ ލިބޭނެކަމަށާއި، ކޯސް ފުރިހަމަކުރާ ފަރާތްތަކަށް ނިޔަމި 2 ކޯހުގެ ސެޓްފިކެޓް ލިބޭނެކަމަށް ފަތުރުވެރިކަމާއި ތިމާވެއްޓާ ބެހޭ ވުޒާރާއިން ހާމަކޮށްފައިވެއެވެ. 

އެންދެރި މަޝްރޫޢުން އެމް.އެން.ޔޫއާ ގުޅިގެން ލ. އަތޮޅުގައި ބާއްވާ ބޭސިކް ރޭންޖަރސް ޓްރެއިނިންގ ކޯހުގައި ބައިވެރިވުމުގެ ފުރުޞަތު ހުޅުވާލައިފިއެވެ.

އިތުރު މަޢުލޫމާތު:https://t.co/GWkRkRIKUm
އެޕްލިކޭޝަން ފޯމު:https://t.co/5DNmoho9TY#ENDhERI #theGEF #Laamu pic.twitter.com/UXDqCGNiaU

— Ministry of Tourism and Environment (@MoTmv) February 16, 2025

މި ކޯހުގައި ބައިވެރިވުމަށް އެދި ހުށައެޅުމުގެ ސުންގަޑިއަކީ 27 ފެބްރުއަރީ 2025 ގެ 14:00 އެވެ. މި ޕުރޮގުރާމުގައި ލ އަތޮޅުގެ މީހުން ދިރިއުޅޭ ކޮންމެ ރަށަކުން އެއް ފަރާތަކަށް ފުރުސަތު ދިނުމާށާއި، އަދި ފުރުސަތު ދިނުމުގައި އަންހެނުންނަށް އިސްކަންދެވޭނެކަމަށާއި، ބައިވެރިވުމަށް ފޯމު ހުށައަޅާނެ ގޮތް އެ އިދާރާގެ އެކްސްގައި ހާމަކޮށްފައިވެއެވެ.