ޚަބަރު
ދިވެހި ދަޢުލަތަށް ޚިދުމަތްކުރުމުގެ އިނާމަށް ނަން ހުށައެޅުމުގެ ފުރުސަތު ހުޅުވާލައިފި
ދަޢުލަތަށް ޚިދުމަތްކުރުމުގެ ޤައުމީ އިނާމުދެއްވުން/ ފޮޓޯ: ޕީއެސްއެމް ނިއުސް
ދިވެހި ދަޢުލަތަށް ޚިދުމަތްކުރުމުގެ އިނާމަށް ނަން ހުށައެޅުމުގެ ފުރުސަތު ޤައުމީ އިނާމާ ބެހޭ ކޮމިޓީން ހުޅުވާލައިފިއެވެ.
ދިވެހި ދަޢުލަތަށް ޚިދުމަތްކުރުމުގެ އިނާމަށް ހުށައެޅުމުގެ ޢުޞޫލު މިހާރު ވަނީ ގެޒެޓުކޮށްފައެވެ.
މި އިނާމަށް ނަން ހުށައެޅޭނީ ހަމައެކަނި ހަމައެކަނި ރައީސުލްޖުމްހޫރިއްޔާގެ އޮފީހުގެ "ފޯމު ހުށައެޅުން" ޕޯރޓަލް މެދުވެރިކޮށެވެ. ނަން ހުށެއެޅުމުގެ ފުރުސަތު މިހާރު ހުޅުވާލެވިފައިވާއިރު، ނަން ހުށައެޅުމުގެ ސުންގަޑިއަކީ، އަންނަ މަހުގެ 18 ވަނަ ދުވަހުގެ 13:00 އެވެ.
ދިވެހި ދައުލަތަށް ޚިދުމަތް ކުރުމުގެ އިނާމަށް މިއަހަރު ނަން ހުށަހެޅުމުގެ ފުރުޞަތު ޤައުމީ އިނާމާބެހޭ ކޮމިޓީން މިއަދު ހުޅުއްވައިލައްވައިފި https://t.co/cisjKmQO2f
— The President's Office (@presidencymv) February 16, 2025
ދައުލަތަށް ޚިދުމަތް ކުރުމުގެ އިނާމަކީ، ދިވެހި ދައުލަތަށް 35 އަހަރަށްވުރެ ދިގު މުއްދަތަކަށް ޚިދުމަތް ކޮށްފައިވާ މުވައްޒަފުންގެ ތެރެއިން، މަޤާމުގެ މަސްއޫލިއްޔަތު އަދާކުރުމުގައި ޤާބިލުކަމާއި އިޚްލާޞްތެރިކަމާއެކުގައި ކޮށްފައިވާ ޚިދުމަތްތަކަށާއި، އެ މުއައްސަސާއެއްގެ ކުރިއެރުމަށް ކޮށްދީފައިވާ ޚިދުމަތްތަކުގެ އަގުވަޒަންކުރުމުގެގޮތުން ޤައުމީ ފެންވަރުގައި ދިވެހި ދައުލަތުން ރައީސުލްޖުމްހޫރިއްޔާ ދެއްވާ ޝަރަފުވެރި އިނާމެވެ.
މިދިޔަ އަހަރުތަކެކޭ އެއްގޮތަށް މިއަހަރު ވެސް، ދިގު މުއްދަތަކަށް ދައުލަތަށް ޚިދުމަތް ކުރައްވައިފައިވާ ބޭފުޅުންނަށް ދިވެހި ދައުލަތަށް ޚިދުމަތް ކުރުމުގެ އިނާމުގެ ގޮތުގައި ރައީސުލްޖުމްހޫރިއްޔާ ދެއްވާނީ އައްޑަނައަކާއި، ޝަރަފުގެ ބެޖަކާއި، ހަނދާނީ ލިޔުމެކެވެ. މި ބޭފުޅުންގެ މަޢުލޫމާތު، ޤައުމީ އިނާމާބެހޭ ކޮމިޓީއަށް ރައީސުލްޖުމްހޫރިއްޔާ މިހާރު ފޮނުއްވައިފައިވާކަމަށް ރައީސުލްޖުމްހޫރިއްޔާގެ އޮފީހުން ވިދާޅުވިއެވެ. އެގޮތުން މި އަހަރު ފޮނުއްވީ 42 އަހަރަށްވުރެ ގިނަ ދުވަހު ދައުލަތަށް ޚިދުމަތް ކުރައްވައިފައިވާ ބޭފުޅުންގެ މައުލޫމާތުކަމަށް ވިދާޅުވިއެވެ.
